- IPLનાં ઇતિહાસની ત્રણ સૌથી મોંઘી ખરીદી 30 મિનીટમાં
- ઇંગ્લેન્ડમાં સેમ કરન સૌથી મોંઘા ખેલાડી
- PBKSએ 18.5 કરોડ રૂપિયામાં સેમ કરનને ખરીદ્યો
આઇપીએલ 2023ની હરાજીમાં આજે ત્રણ સૌથી મોંઘા ખેલાડીઓ 30 મિનીટની અંદર ખરીદાયા. જેમાં PBKSએ 18.5 કરોડ રૂપિયામાં સૌથી મોંઘા ખેલાડી ઇંગ્લેન્ડમાં સેમ કરનને ખરીદ્યા. જ્યારે ઑસ્ટ્રેલિયાનાં કેમરન ગ્રીનને MIએ 17.5 કરોડમાં ખરીદ્યા છે. ઇંગ્લેન્ડનાં બેન સ્ટોક્સને CSKએ 16.25 કરોડમાં ખરીદ્યા છે જે આઇપીએલમાં સંયુક્તરૂપે ત્રીજા સૌથી મોંઘા ખેલાડી રહ્યાં છે.
IPL 2023 આગામી સીઝન માટેની હરાજી પૂર્ણ
ઈન્ડિયન પ્રીમિયર લીગ (IPL) 2023નું બ્યુગલ આજથી (23 ડિસેમ્બર) સાચા અર્થમાં વાગવા જઈ રહ્યું છે. કોચીમાં આજે આગામી સિઝન માટે મીની હરાજી પૂરી થઈ ગઈ છે અને આ વખતે મિની ઓક્શન માટે 405 ખેલાડીઓને શોર્ટલિસ્ટ કરવામાં આવ્યા હતા, જેના પર તમામ ટીમો ઘણો ખર્ચ કર્યો હતો. હરાજીની શરૂઆતમાં જ ઇંગ્લિશ બેટ્સમેન હેરી બ્રુકને સનરાઇઝર્સ હૈદરાબાદે 13.25 કરોડ રૂપિયામાં ખરીદ્યો હતો. આ સાથે મયંક અગ્રવાલની પણ લોટરી લાગી હતી. સનરાઇઝર્સે હૈદરાબાદે 8.25 કરોડની કિંમતમાં મયંકને પોતાની સાથે જોડ્યો હતો.
વિલિયમસનને ગુજરાત ટાઈટન્સે ખરીદ્યો
જો કે આ સિઝનમાં ન્યુઝીલેન્ડના દિગ્ગજ બેટ્સમેન અને કેપ્ટન કેન વિલિયમસનની સ્થિતિ એવી જ કઇંક જણાતી હતી પણ નસીબે તેનો સાથ આપ્યો. જણાવી દઈએ કે કિવી દિગ્ગજ ખેલાડીને આઈપીએલની ગત સિઝન બાદ સનરાઇઝર્સ હૈદરાબાદમાંથી મુક્ત થયા બાદ હવે આ સિઝનમાં એમને નવી ટીમ મળી છે. જણાવી દઈએ કે વિલિયમસનને ગુજરાતે તેને તેની મૂળ કિંમત બે કરોડમાં ખરીદી લીધો છે.
273 ભારતીય ખેલાડીઓ હતા જ્યારે 131 ખેલાડીઓ વિદેશી
જણાવી દઈએ કે હરાજીમાં સામેલ 405 ખેલાડીઓમાંથી 273 ભારતીય ખેલાડીઓ હતા જ્યારે 131 ખેલાડીઓ વિદેશી હતા.આ હરાજીમાં વધુમાં વધુ 87 સ્લોટ ઉપલબ્ધ હતા.નિયમ મુજબ 87 ખેલાડીઓમાંથી વધુમાં વધુ 30 વિદેશી ખેલાડીઓને ખરીદી શકતા હતા.પહેલા 86 ખેલાડીઓના નામ એક પછી એક હરાજી માટે મૂકવામાં આવ્યા હતા અને એ પછી હરાજીની પ્રક્રિયા ઝડપી શરૂ થઈ હતી.
