IPL 2024ની 10મી મેચમાં કોલકાતા નાઈટ રાઈડર્સે રોયલ ચેલેન્જર્સ બેંગ્લોર સામે 7 વિકેટે જીત મેળવી હતી. પ્રથમ બેટિંગ કરતા રોયલ ચેલેન્જર્સ બેંગ્લોરે 6 વિકેટના નુકસાને 182 રન બનાવ્યા હતા. વિરાટ કોહલીએ ટીમ માટે 59 બોલમાં 83* રનની સૌથી વધુ ઇનિંગ રમી હતી.
કોલકાતા નાઈટ રાઈડર્સે 19 બોલ બાકી રહેતા ટાર્ગેટનો પીછો કરીને જીત મેળવી હતી અને ખાસ કરીને સુનીલ નરેને રોયલ ચેલેન્જર્સ બેંગ્લોર સામે તેના ઓલરાઉન્ડ પ્રદર્શન માટે પ્લેયર ઓફ ધ મેચનો ખિતાબ જીત્યો છે. જણાવી દઈએ કે રોયલ ચેલેન્જર્સ બેંગ્લોર સામેની આ મેચ સુનીલ નરેનની T20 કારકિર્દીની 500મી મેચ હતી.
રોયલ ચેલેન્જર્સ બેંગ્લોર સામે બોલિંગ કરતી વખતે સુનીલ નરેને 4 ઓવરમાં 40 રન આપીને એક વિકેટ લીધી હતી. સુનીલ નરેને 15મી ઓવરમાં ગ્લેન મેક્સવેલના રૂપમાં ટીમ માટે મોટી વિકેટ લીધી હતી. સાથે જ નરેન 500 T-20 ક્રિકેટ મેચ રમનાર પ્રથમ સ્પિનર અને વિશ્વનો એકમાત્ર ચોથો ખેલાડી બન્યો છે. જણાવી દઈએ કે સૌથી વધુ T-20 મેચ રમવાનો રેકોર્ડ હાલમાં વેસ્ટ ઈન્ડિઝના કિરોન પોલાર્ડ (660)ના નામે છે. તેમના સિવાય ડ્વેન બ્રાવો 573 અને શોએબ મલિક 542 ટી-20 મેચ રમ્યા છે. રસપ્રદ વાત એ છે કે, નરેન અત્યાર સુધીમાં વિશ્વભરની T-20 લીગમાં 10થી વધુ ટીમો માટે રમી ચૂક્યો છે.
નરને તેની ખાસ મેચમાં માત્ર બોલિંગમાં નહીં પરંતુ બેટિંગમાં તોફાની ઇનિંગ્સ રમીને તેને યાદગાર બનાવી દીધી હતી. KKR માટે ઇનિંગ્સની શરૂઆત કરતા, નરીને 22 બોલમાં 47 રન બનાવ્યા, જેમાં બે ચોગ્ગા અને પાંચ છગ્ગા પણ સામેલ હતા. આ ખેલાડીને તેના ઓલરાઉન્ડ પ્રદર્શન માટે પ્લેયર ઓફ ધ મેચ પણ પસંદ કરવામાં આવ્યો હતો.
બીજી તરફ વિરાટ કોહલી IPLમાં RCB માટે સૌથી વધુ સિક્સર મારનાર બેટ્સમેન બની ગયો છે. આ સમય દરમિયાન, તેણે ક્રિસ ગેલનો રેકોર્ડ તોડ્યો જેણે RCB માટે રમતી વખતે 239 છગ્ગા ફટકાર્યા હતા. કોહલીએ 232 ઇનિંગ્સમાં 241 સિક્સર ફટકારી છે, જ્યારે ગેલે 84 ઇનિંગ્સમાં આ સિક્સર ફટકારી છે. એબી ડી વિલિયર્સે RCB તરફથી IPLમાં રમતી વખતે 144 ઇનિંગ્સમાં 238 સિક્સર ફટકારી હતી.
વધુ વાંચો: '...તો 83ના બદલે વિરાટ 120 રન કરત', કોહલીની નિંદા કરનારાઓને સુનીલ ગાવસ્કરે આપ્યો જડબાતોડ જવાબ
ઉપરાંત આઈપીએલના ઈતિહાસમાં ટીમની હારમાં સૌથી વધુ રન બનાવવાના મામલે વિરાટ કોહલી ટોપ પર છે. તેણે આઈપીએલમાં RCB માટે અત્યાર સુધીમાં 3344 રન બનાવ્યા છે. આ યાદીમાં બીજા સ્થાને ડેવિડ વોર્નર છે, જેણે ટીમની હારમાં 2738 રન બનાવ્યા છે, જ્યારે શિખર ધવન 2696 રન સાથે ત્રીજા સ્થાને છે.
