બ્રેકિંગ ન્યુઝ
11 રાજ્યોની 93 બેઠકો પર 3 વાગ્યા સુધીમાં 50.71 ટકા મતદાન, તો ગુજરાતમાં 47 ટકા વોટિંગ
બનાસકાંઠાને ટક્કર આપી 3 વાગ્યા સુધીમાં 58.05 ટકા મતદાન સાથે વલસાડ ગુજરાતમાં અવ્વલ, સરેરાશ 47.03 ટકા વોટિંગ
કળશ ગામના લોકો તાપથી બચવા માથા પર ગાદલા રાખી મત આપવા લાઈનમાં ગોઠવાયા
ભરૂચના કેસર ગામના લોકોએ મતદાનનો બહિષ્કાર કર્યો, અત્યાર સુધી એકપણ મત નથી પડ્યો
મતદારો માટે ઇન્દ્ર દેવના અમી છાંટણા, યાત્રાધામ અંબાજીમાં અચાનક વાતાવરણમાં આવ્યો પલટો
પૂર્વ નાયબ મુખ્યમંત્રી નીતિનભાઇ પટેલે કર્યું મતદાન
બંગાળમાં મતદાન કેન્દ્ર પર ફેંકવામાં આવ્યો દેશી બોમ્બ, જો કે આ હુમલામાં કોઈને ઈજા નથી થઈ
વડનગર તાલુકા કોંગ્રેસના કાર્યકારી પ્રમુખ પર ભાજપના આગેવાનનો હુમલો
અમદાવાદની ગરમીમાં મતદાનનો માહોલ ઠંડો પડ્યો, મથક પર એકલ દોકલ મતદાર જ જોવા મળી રહ્યા છે
મતદાન વચ્ચે કોંગ્રેસ ભાજપ આમને-સામને, શક્તિસિંહ ગોહિલે ગૃહમંત્રીના ખેસ પહેરવા પર ઉઠાવ્યો વાંધો
Ajit Jadeja
Last Updated: 09:43 AM, 22 April 2024
આઇપીએલ 2024ની આજે 36મી મેચ કોલકાતા નાઈટ રાઈડર્સ અને રોયલ ચેલેન્જર્સ બેંગ્લોર (RCB) વચ્ચે મેચ રમાઇ હતી. આ મેચ કોલકાતાના ઐતિહાસિક ઈડન ગાર્ડન્સમાં રમાઇ છે. જેમાં કોલકાતા નાઈટ રાઈડર્સે RCBને જીતવા માટે 223 રનનો ટાર્ગેટ આપ્યો હતો પરંતુ રનનો પીછો કરતા આરસીબી 221 રન જ કરી શકી હતી.રોમાંચક મુકાબલામાં KKRની એક રને જીત થઇ છે. IPL 2024ની રોમાંચક મેચમાં RCBને કોલકાતા નાઈટ રાઈડર્સના હાથે એક રનથી હારનો સામનો કરવો પડ્યો હતો. આરસીબીની આ સતત છઠ્ઠી હાર હતી. કોલકાતાની સાત મેચોમાં આ પાંચમી જીત હતી.
ઈન્ડિયન પ્રીમિયર લીગ 2024 મા આજના મુકાબલામાં કોલકાતા નાઈટ રાઈડર્સએ રોયલ ચેલેન્જર્સ બેંગ્લોરને 1 રનથી હરાવ્યું છે. રવિવારે કોલકાતા ઇડન ગાર્ડન્સમાં રમાયેલી આ મેચમાં RCBને જીતવા માટે 223 રનનો ટાર્ગેટ હતો, પરંતુ તેની આખી ટીમ 20 ઓવરમાં 221 રન સુધી જ સિમિત રહી હતી. આ મેચમાં RCBને જીતવા માટે છેલ્લી ઓવરમાં 21 રન બનાવવાના હતા. કર્ણ શર્મા (20)એ મિચેલ સ્ટાર્કની તે ઓવરમાં ત્રણ સિક્સર ફટકારી હતી. જોકે કર્ણ પાંચમા બોલ પર મિશેલ સ્ટાર્કના હાથે કેચ એન્ડ બોલ્ડ થયો હતો. હવે આરસીબીને એક બોલ પર ત્રણ રન બનાવવાના હતા, પરંતુ લોકી ફર્ગ્યુસન બીજો રન લેવાના પ્રયાસમાં રનઆઉટ થયો હતો. જો ફર્ગ્યુસન બીજો રન લેવામાં સફળ રહ્યો હોત તો મેચ સુપર ઓવરમાં પહોંચી ગઈ હોત.
#TATAIPL at its best! 🤯💪#KKR hang on to clinch victory on the final delivery of the game! 😎#KKRvRCB #IPLonJioCinema pic.twitter.com/0aR4UbVC3j
— JioCinema (@JioCinema) April 21, 2024
લક્ષ્યનો પીછો કરતી વખતે આરસીબીની શરૂઆત સારી રહી ન હતી અને 35 રનના સ્કોર સુધીમાં તેણે વિરાટ કોહલી અને ફાફ ડુ પ્લેસિસની વિકેટ ગુમાવી દીધી હતી. આ પછી વિલ જેક્સ અને રજત પાટીદારે સદીની ભાગીદારી કરીને આરસીબીને મેચમાં વાપસી કરી હતી. જેક્સ અને પાટીદાર વચ્ચે ત્રીજી વિકેટ માટે 102 રનની ભાગીદારી થઈ હતી. જેક્સે 32 બોલમાં 4 ચોગ્ગા અને પાંચ છગ્ગાની મદદથી 55 રન બનાવ્યા હતા. જ્યારે પાટીદારે માત્ર 23 બોલમાં 52 રનની ઇનિંગ રમી હતી. પાટીદારે પોતાની ઇનિંગમાં 3 ફોર અને 5 સિક્સર ફટકારી હતી.
આ મેચ માટે RCB ટીમમાં મોટા ફેરફાર કરવામાં આવ્યા હતા. સનરાઇઝર્સ હૈદરાબાદ સામેની મેચમાંથી બહાર થયેલા ફાસ્ટ બોલર મોહમ્મદ સિરાજને પ્લેઇંગ-11માં જગ્યા મળી હતી. ઓલરાઉન્ડર કેમરૂન ગ્રીન અને સ્પિનર કર્ણ શર્મા પણ આ મેચનો ભાગ બન્યા હતા. બીજી તરફ, KKR એ તેના સંયોજનમાં કોઈ ફેરફાર કર્યો નથી.કોલકાતા નાઈટ રાઈડર્સ અને રોયલ ચેલેન્જર્સ બેંગ્લોર વચ્ચે આઈપીએલમાં અત્યાર સુધી 33 મેચ રમાઈ છે. આ સમયગાળા દરમિયાન, આરસીબીએ 14 મેચ જીતી છે અને કેકેઆરએ 19 મેચ જીતી છે. ચાલુ સિઝનમાં કોલકાતા નાઈટ રાઈડર્સ અને આરસીબી વચ્ચે આ બીજી ટક્કર છે. છેલ્લી વખત બંને ટીમો વચ્ચે 29 માર્ચે મેચ રમાઈ હતી, જેમાં KKR 7 વિકેટે જીતી હતી.
Over to our bowlers now 🫡 pic.twitter.com/1CDNuU6LrM
— KolkataKnightRiders (@KKRiders) April 21, 2024
રોયલ ચેલેન્જર્સ બેંગ્લોરની પ્લેઈંગ-11: ફાફ ડુ પ્લેસિસ (કેપ્ટન), વિરાટ કોહલી, વિલ જેક્સ, રજત પાટીદાર, કેમેરોન ગ્રીન, દિનેશ કાર્તિક (વિકેટકીપર), મહિપાલ લોમરોર, કર્ણ શર્મા, લોકી ફર્ગ્યુસન, યશ દયાલ, મોહમ્મદ સિરાજ.
ટોસ હારીને પ્રથમ બેટિંગ કરતા કોલકાતા નાઈટ રાઈડર્સે છ વિકેટે 222 રન બનાવ્યા હતા. ઓપનર ફિલ સોલ્ટે માત્ર 14 બોલમાં 48 રન બનાવ્યા જેમાં સાત ચોગ્ગા અને ત્રણ છગ્ગાનો સમાવેશ થાય છે. કેપ્ટન શ્રેયસ અય્યરે 36 બોલમાં સૌથી વધુ 50 રન બનાવ્યા હતા. શ્રેયસે તેની ઇનિંગમાં સાત ચોગ્ગા અને એક છગ્ગા ફટકાર્યા હતા. રમનદીપ સિંહે 9 બોલમાં બે ચોગ્ગા અને બે છગ્ગાની મદદથી 24 રનની અણનમ ઇનિંગ રમી હતી. આન્દ્રે રસેલે પણ 20 બોલમાં અણનમ 27 રન બનાવ્યા હતા. RCB તરફથી યશ દયાલ અને કેમેરોન ગ્રીને બે-બે વિકેટ લીધી હતી. જો જોવામાં આવે તો કોલકાતા નાઈટ રાઈડર્સે આ સિઝનમાં ત્રીજી વખત 220થી વધુ રન બનાવ્યા છે.
VS MI: 15.3 ઓવરમાં 199/3 (રન-રેટ 12.83)
VS SRH: 20 ઓવરમાં 287/3 (રન-રેટ 14.35)
VS કેકેઆર: 20 ઓવરમાં 222/6 (રન-રેટ 11.10)
કોલકાતા નાઈટ રાઈડર્સના પ્લેઈંગ-11: ફિલ સોલ્ટ (વિકેટકીપર), સુનીલ નારાયણ, અંગક્રિશ રઘુવંશી, શ્રેયસ ઐયર (કેપ્ટન), વેંકટેશ ઐયર, આન્દ્રે રસેલ, રિંકુ સિંહ, રમનદીપ સિંહ, મિશેલ સ્ટાર્ક, વરુણ ચક્રવર્તી, હર્ષિત રાણા.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
પ્રચાર
ટોપ સ્ટોરીઝ