IPL / IPL 2024માં ગુજરાત ટાઈટન્સને લાગશે મોટો ઝટકો! હાર્દિક ગયો, હવે આ ખેલાડી પણ થશે બહાર

• IPL 2024 ગુજરાત ટાઇટન્સ માટે સૌથી ખરાબ સાબિત થશે
• હાર્દિક પંડ્યાએ ટાઇટન્સ છોડીને મુંબઈની ટીમમાં જોડાઈ ગયો
• હવે રાશિદ ખાન પણ IPL 2024માંથી બહાર થઈ શકે છે

IPL 2024 માર્ચ મહિનામાં શરૂ થવાની સંભાવના છે. આ માટે તમામ ટીમોએ તૈયારી કરી લીધી છે. હાલ અનુમાન લગાવવામાં આવી રહ્યું છે કે આ IPL ગુજરાત ટાઇટન્સ માટે સૌથી ખરાબ સાબિત થશે. સૌપ્રથમ ગુજરાત ટાઇટન્સ માટે ટ્રોફી જીતનાર ખેલાડી હાર્દિક પંડ્યાએ ટાઇટન્સ છોડીને મુંબઈની ટીમમાં જોડાવાનો નિર્ણય કર્યો. હવે વધુ એક મેચ વિનિંગ ખેલાડી IPL 2024માંથી બહાર થઈ શકે છે. રાશિદ ખાન માટે IPL રમવું મુશ્કેલ દેખાઈ રહ્યું છે, જો આવું થાય છે તો તે ગુજરાત માટે કોઈ મોટા ઝટકાથી ઓછું નહીં હોય.

રાશિદ ખાને PSLમાંથી પોતાનું નામ પાછું ખેંચી લીધું 

રાશિદ ખાને PSLમાંથી પોતાનું નામ પાછું ખેંચી લીધું છે. રાશિદ પીએસએલમાં લાહોર કલંદર માટે રમે છે, લાહોરે ટીમમાં રાશિદના સમયમાં PSL ટ્રોફી પણ જીતી છે. હવે રાશિદનું કહેવું છે કે તે પાકિસ્તાન સુપર લીગનો ભાગ બની શકશે નહીં. અફઘાન ખેલાડી રાશિદ ખાનને ટીમમાંથી બહાર કરવાના કારણે લાહોરને મોટો ફટકો પડ્યો છે. હવે એવી આશા છે કે રાશિદ ખાન પણ IPL 2024માંથી બહાર થઈ શકે છે. વાસ્તવમાં રાશિદ ખાને તેની પીઠની સર્જરી કરાવી છે. આ કારણે તેણે આરામ કરવાનો નિર્ણય લીધો છે.

વધુ વાંચો : ક્રિકેટ રસિકો માટે ખરાબ સમાચાર, ઋષભ પંતની હેલ્થ બાબતે સામે આવી ખાસ અપડેટ

રાશિદ ભારત સામે રમી શક્યો ન હતો

રાશિદ ખાને નવેમ્બર મહિનામાં જ તેની પીઠની સર્જરી કરાવી હતી. આ કારણોસર તેને શરૂઆતમાં ભારત સામેની 3 T20 મેચની શ્રેણી માટે ટીમમાં સામેલ કરવામાં આવ્યો હતો. પરંતુ બાદમાં તેને ટીમમાંથી બહાર કરી દેવામાં આવ્યો હતો અને તે એક પણ T20 મેચ રમી શક્યો ન હતો. રશીદ ખાનની ગેરહાજરીમાં રહેમાનુલ્લા ગુરબાઝે અફઘાનિસ્તાનની કપ્તાની સંભાળી હતી. રાશિદ ખાન હજી સ્વસ્થ થયો નથી, તેથી એવી અટકળો લગાવવામાં આવી રહી છે કે ખેલાડી IPL 2024માંથી પણ બહાર થઈ શકે છે. જેના કારણે ગુજરાતના ચાહકોમાં મૌન છે. પહેલા હાર્દિક પંડ્યાએ ગુજરાત છોડી દીધું અને હવે રાશિદ પણ ટીમની બહાર થઈ શકે છે.