બેંગ્લોરના એમ. ચિન્નાસ્વામી સ્ટેડિયમમાં રોયલ ચેલેન્જર્સ બેંગ્લોર અને ચેન્નઈ સુપર કિંગ્સ વચ્ચે મેચ રમવામાં આવી હતી. હરભજન સિંહે મહેન્દ્ર સિંહ ધોની વિશે મહત્ત્વપૂર્ણ નિવેદન આપ્યું છે.
Share
મહેન્દ્ર સિંહ ધોની તગડુ ફેનબેઝ ધરાવે છે.
પૂર્વ સ્પિનર હરભજન સિંહનું મહેન્દ્ર સિંહ ધોની અંગે નિવેદન.
‘મહેન્દ્રસિંહ ધોની જેવો ખેલાડી નથી.’
બેંગ્લોરના એમ. ચિન્નાસ્વામી સ્ટેડિયમમાં રોયલ ચેલેન્જર્સ બેંગ્લોર અને ચેન્નઈ સુપર કિંગ્સ વચ્ચે મેચ રમવામાં આવી હતી. આ હોમ ગ્રાઉન્ડ બેંગ્લોરની ફ્રેન્ચાઈઝીનું હતું, પરંતુ અહીંયા મોટી સંખ્યામાં ચેન્નઈના ફેન્સ હાજર હતા. મોટી સંખ્યામાં ચેન્નઈના ફેન્સ પીળી જર્સીમાં ક્રિકેટર મહેન્દ્ર સિંહ ધોનીનો હોસલો વધારવા માટે આવ્યા હતા. એક સમયે એવું લાગ્યું હતું કે, આ મેદાન ચેન્નઈ સુપર કિંગ્સનું જ છે. ચેન્નઈ સુપર કિંગ્સે આ મેચ જીતી હતી અને ફેન્સ ધોનીના નામના નારા લગાવી રહ્યા હતા.
ભારતીય ટીમના પૂર્વ સ્પિનર હરભજન સિંહનું માનવું છે કે, મહેન્દ્રસિંહ ધોનીએ ફેન્સ તરફથી જે પણ કંઈપણ મળ્યું તે સંપૂર્ણ સમ્માન સાથે સ્વીકાર્યું છે. હરભજન સિંહે સ્ટાર સ્પોર્ટ્સ સાથે વાત કરતા જણાવ્યું હતું કે, ‘મહેન્દ્રસિંહ ધોની જેવો ખેલાડી નથી. ભારતમાં તેનાથી મોટો કોઈ ક્રિકેટર નહીં હોઈ શકે. કોઈપણ તેના કરતા વધુ રન ના બનાવી શકે. કોઈ વ્યક્તિ તેના કરતા વધુ વિકેટ નહીં લઈ શકે. ધોની સૌથી વધુ ફેનબેઝ ધરાવે છે.’
Caption
હરભજન સિંહ ચેન્નઈ સુપર કિંગ્સ તરફથી રમી ચૂક્યા છે. તેઓ જણાવે છે કે, ‘મહેન્દ્રસિંહ ધોનીએ પૂરા દિલથી ફેન્સના પ્રેમને સ્વીકાર્યો છે. તેઓ ટીમના ખેલાડીઓ પ્રત્યે પણ આ પ્રકારની જ લાગણી ધરાવે છે. તેમનામાં રહેલા ઈમોશન્સને કારણે કોઈપણ તમામ લોકો તેમના દીવાના થઈ જાય છે. ધોની 15 વર્ષથી આ ઈમોશન્સ રાખે છે અને તેઓ બિલકુલ પણ બદલાયા નથી.’
આજે ચેન્નઈ સુપર કિંગ્સ અને સનરાઈઝર્સ હૈદરાબાદ વચ્ચે મેચ રમાશે. ચેન્નઈ સુપર કિંગ્સના ફેન્સ આશા રાખી રહ્યા છે કે, તેમનો ફેવરિટ ક્રિકેટર આ મેચમાં ધમાલ મચાવે. સનરાઈઝર્સ હૈદરાબાદની ટીમ આજ સુધી ચેન્નઈ સુપર કિંગ્સને હરાવી શકી નથી.
