VIDEO / કોહલીની દુશ્મનાવટ હજુ ખતમ નથી થઈ! ફેન્સે આ ખેલાડીને ચાલુ મેચમાં જબરો ખિજવ્યો

• લખનઉ સુપર જાયન્ટ્સના ફાસ્ટ બોલર ચર્ચામાં રહ્યા 
• નવીન ઉલ હકની બોલિંગ દરમિયાન ફેન્સનો હંગામો
• દર્શકોએ નવીન ઉલ હકને ચિઢાવ્યો

IPL 2023માં કોલકત્તા અને લખનઉ સુપર જાયન્ટ્સ વચ્ચે મેચ રમવામાં આવી હતી. આ મેચમાં લખનઉ સુપર જાયન્ટ્સના ફાસ્ટ બોલર ચર્ચામાં રહ્યા હતા. નવીન ઉલ હક પહેલી ઓવર રમી રહ્યા હતા, ત્યારે ઈડન ગાર્ડન્સના ફેન્સ ખૂબ જ હંગામો કરી રહ્યા હતા. 

કોલકત્તા નાઈટ રાઈડર્સના ફેન્સ ‘કોહલી કોહલી’ ના નારા લગાવીને નવીન ઉલ હકને ચિઢાવી રહ્યા હતા. નવીન જોઈને ઉશ્કેરાઈ ગયો હતો, તેણે દર્શકોને વિવાદાસ્પદ ઈશારો કરીને વળતો જવાબ આપીને ચૂપ રહેવાનું કહ્યું હતું. નવીન-ઉલ-હક અને વિરાટ કોહલી બંને સોશિયલ મીડિયા પર ટ્રેન્ડ થવા લાગ્યા હતા.

Kohli-Kohli chants at Eden Gardens when Naveen Ul Haq was batting and now even when he is bowling.
Virat Kohli's craze is something else 😂🔥

pic.twitter.com/oAxEyF7tSq

— Pari (@BluntIndianGal) May 20, 2023

તમને જણાવી દઈએ કે IPL 2023ની મેચ દરમિયાન વિરાટ કોહલી અને નવીન ઉલ હક વચ્ચે બબાલ થઈ હતી. આ સમગ્ર મામલો 1 મેના રોજ રમાયેલી લખનઉ અને RCB વચ્ચેની મેચથી શરૂ થયો હતો. મેચ પત્યા પછી વિરાટ કોહલી અને નવીન ઉલ હક સાથે બોલાચાલી થઈ હતી, જેમાં લખનઉના મેન્ટોર ગૌતમ ગંભીર વચ્ચે આવ્યા હતા. ત્યારપછી નવીન ઉલ હકે ફેન્સની નારાજગીનો સામનો કરવો પડી રહ્યો છે. 

આ મેચની વાત કરવામાં આવે તો કોલકત્તા નાઈટ રાઈડર્સની લખનઉ સુપર જાયન્ટ્સ સામે એક રનથી હારનો સામનો કરવો પડ્યો હતો. વિરાટ કોહલી, ગૌતમ ગંભીર અને નવીન ઉલ હક વચ્ચે વિવાદ થયો ત્યારથી IPL 2023માં એક અલગ રોમાંચ છે. બંને તરફના ફેન્સ આ વિવાદમાં શામેલ થયા છે. વિરાટ કોહલીના ફેન્સ મેદાન પર પણ ગંભીર અને નવીન ઉલ હક સામે નારેબાજી કરવા લાગે છે.