ક્રિકેટ / IPL-2020માં ખેલાડીઓ કરોડોનાં ભાવે ખરીદાયા પરંતુ અમુક સારા ખેલાડીઓ કોરાધાકોર રહ્યા

• IPL હરાજીમાં કરોડોની બોલી જોવા મળી
• આઠ ફ્રેંચાઇઝીએ 62 ખેલાડી ખરીદ્યા
• ખેલાડીઓને ખરીદવા માટે ટીમોએ નાણાંનો વરસાદ વરસાવ્યો

ટિમ સાઉદી, શાઈ હોપ, હેનરિક ક્લાસેન, કાર્લોસ બ્રાથવેટ, કુશલ પરેરા સહિત ઘણા સ્ટાર ખેલાડીને કોઈ ખરીદાર મળ્યા નહીં અને તેમને માત્ર નિરાશા લાગી. આ ઉપરાંત ભારતના ચેતેશ્વર પૂજારા, હનુમા વિહારી, નમન ઓઝા, યુસુફ પઠાણ, બાંગ્લાદેશના મુશિફકુર રહીમ, કોલિન ડી ગ્રાન્ડહોમ, બેન કટિંગ, કોલિન મુનરો, માર્ટિન ગપ્ટિલ સહિત ઘણા ખેલાડીઓ વેચાયા નહીં. આમાં કેટલાક ખેલાડીઓ એવા પણ હતા, જે IPLની ગત સિઝનમાં રમી ચૂક્યા હતા.

IPL-2020માં રોયલ ચેલેન્જર્સ બેંગલુરુ ટીમમાં સૌથી ઓછા ખેલાડી રહેશે. હરાજીની વાત કરવામાં આવે તો ત્રણ ફ્રેંચાઇઝી-કિંગ્સ ઈલેવન પંજાબ, સનરાઇઝર્સ હૈદરાબાદ અને રાજસ્થાન રોયલ્સે પોતાની ટીમમાં ૨૫-૨૫ ખેલાડીનો ક્વોટા પૂરેપૂરો ભરી લીધો છે, જોકે બધી ટીમોએ આઠ-આઠ વિદેશી ખેલાડીનો ક્વોટા પણ પૂરો કરી લીધો છે. આજે અહીં એવા ખેલાડી પર નજર કરીએ, જેઓને કોઈ ખરીદાર મળ્યા નહોતા.

ભારતઃ ચેતેશ્વર, હનુમા વિહારી, નમન ઓઝા, સ્ટુઅર્ટ બિન્ની, યુસુફ પઠાણ, મનોજ તિવારી.

ઓસ્ટ્રેલિયાઃ એડમ ઝમ્પા, બેન કટિંગ, શોન એબોટ, જેમ્સ પેટિસન, ડેનિયલ સેમ્સ, નાથન એલિસ.

વિન્ડીઝઃ શાઈ હોપ, હેડન વોલ્શ, એવિન લૂઇસ, કાર્લોસ બ્રેથવેટ, અલ્જારી જોસેફ, જેસન હોલ્ડર, કેસરિક વિલિયમ્સ.

શ્રીલંકાઃ કુશર પરેરા.

બાંગ્લાદેશઃ મુશિફકુર રહીમ, મુસ્તફિઝુર રહેમાન.

દક્ષિણ આફ્રિકાઃ હેનરિક ક્લાસેન, કોલિન ઇન્ગ્રામ, એન્ડિલે ફેહુલકવાયો, એનરિક નોર્ત્જે.

ન્યૂઝીલેન્ડઃ કોલિન ડી ગ્રાન્ડહોમ, ઈશ સોઢી, ટિમ સાઉદી, માર્ટિન ગપ્ટિલ, કોલિન મુનરો, એડમ મિલ્ને, મેટ હેનરી.

ઈંગ્લેન્ડઃ માર્ક વૂડ, લિયાન પ્લન્કેટ, જ્યોર્જ ગાર્ટન.