- Caryn Marjorieએ બનાવ્યું પોતાનું જ AI અવતાર
- લોકો કરી શકે છે વર્ચ્યુઅલ ડેટિંગ
- એકલાપણું દૂર કરવા માટે લોકો ઉપયોગ કરે છે આ અવતારનો
- છોકરી આશરે 42 કરોડ રૂપિયાની માસિક આવક ભેગી કરે છે
AIની ચર્ચા આ વર્ષનાં શરૂઆતથી જ વધારે થઈ રહી છે. AI ટૂલ્સનો લોકો અનેકપ્રકારે ઉપયોગ કરી રહ્યાં છે જેની મદદથી પૈસા પણ કમાઈ રહ્યાં છે. ChatGPT જેવા ટૂલ્સે તો લોકોની રોજગારી પર અસર કરવાનું શરૂ કર્યું છે. ત્યારે સ્નેપચેટ પર 18 લાખ ફોલોઅર્સ ધરાવતી પોપ્યુલર 23 વર્ષીય Caryn Marjorieએ પોતાનું AI અવતાર બનાવ્યું છે.
લોકો ડેટિંગ માટે કરે છે ઉપયોગ
Caryn Marjorieએ એક કંપનીની મદદથી પોતાનું વર્ચ્યુઅલ અવતાર ક્રિએટ કર્યું છે જેને લોકો ડેટ કરી શકે છે. Caryn આ માટે યૂઝર્સ પાસેથી પૈસા લઈ રહી છે. આ કંપની કે જેણે આ અવતાર બનાવ્યું છે તેનું નામ છે Forever Voices. Carynએ પોતાનાં AI વર્ઝનને CarynAI નામ આપ્યું છે જે એક વોઈસ બેસ્ડ ચેટબોટ છે. આ ચેટબોટનો અવાજ અને પર્સનાલિટી બંને Caryn જેવા જ છે. એટલું જ નહીં આ ચેટબોટ યૂઝર્સને અનેક પ્રકારની સર્વિસ પ્રોવાઈડ કરે છે.
લોકોનું એકલાપણું દૂર કરે છે..
Carynએ જણાવ્યું કે તેમનો આ અવતાર લોકોનું એકલાપણું દૂર કરે છે અને તેનાથી તેની 50 લાખ ડોલર એટલે કે 41 કરોડની મહિનાની કમાણી થાય છે. તેનું બીટા વર્ઝન મે મહિનામાં લોન્ચ થયું છે. રિપોર્ટ અનુસાર CarynAIએ બીટા ફેઝમાં 71619 ડોલરની કમાણી કરી છે જે મોટા ભાગે પુરુષ યુઝર્સ થકી થઈ છે.
કઈ રીતે કંપનીએ બનાવ્યું આ અવતાર?
આ AIને બનાવવા માટે કંપનીએ Carynનાં 2 હજાર કલાકનાં YouTube વીડિયોઝનો ઉપયોગ કર્યો છે. જો કે આ વીડિયોઝને હવે ડિલીટ કરી દેવામાં આવ્યાં છે.
