લોન્ચ / 108MP કેમેરા અને પાવરફુલ બેટરી, ભારતમાં લોન્ચ થયો આ જોરદાર ફોન, જાણો કિંમત

• ભારતીય સ્માર્ટ ફોન માર્કેટમાં બે નવા ફોન લોન્ચ થયા
• ઈનફિનિક્સે સૌથી સસ્તો 5G ફોન લોન્ચ કર્યો
• જાણો સ્માર્ટ ફોનની કિંમત અને તેના ફીચર્સ 

Infinix એ બજેટ સેગમેન્ટમાં બે 5G સ્માર્ટફોન લોન્ચ કર્યા 

Infinix એ બજેટ સેગમેન્ટમાં બે 5G સ્માર્ટફોન લોન્ચ કર્યા છે. કંપનીએ Note 12 5G સીરીઝ લોન્ચ કરી છે, જેમાં બે સ્માર્ટફોન Infinix Note 12 5G અને Infinix Note 12 Pro 5G સામેલ છે. બંને સ્માર્ટફોન AMOLED ડિસ્પ્લે, 5G કનેક્ટિવિટી અને આકર્ષક બેટરીની સાથે આવે છે. સ્ટાન્ડર્ડ વર્ઝનમાં જ્યાં 50MPનો કેમેરો મળે છે. તો પ્રો વેરિએન્ટમાં 108MPનો મેન લેન્સ આપવામાં આવ્યો છે.  

Infinix Note 12 5G સીરીઝની કિંમત 

આ સીરીઝમાં બે ફોનનો સમાવેશ થાય છે. Infinix Note 12 5G ની કિંમત 14,999 રૂપિયાથી શરૂ થાય છે. આ કિંમત ફોનના 6GB RAM + 64GB સ્ટોરેજ વેરિએન્ટની છે. આ ફોનને તમે ફ્લિપકાર્ટ પરથી ખરીદી શકો છો. તો ફોનના પ્રો વેરિએન્ટ એટલેકે Infinix Note 12 Pro 5Gની કિંમત 17,999 રૂપિયા છે. આ ભાવ તેનો 8GB RAM + 128GB સ્ટોરેજ વેરિએન્ટનો છે. સીરીઝનો પ્રો મૉડલ 14 જુલાઈથી સેલ પર આવી જશે. આ ફોનને તમે 15,999 રૂપિયાની કિંમતના ડિસ્કાઉન્ટ બાદ ખરીદી શકશો. બ્રાન્ડે સ્ટાન્ડર્ડ વેરિએન્ટની સેલ ડેટની જાહેરાત કરી નથી. સ્માર્ટ ફોન ફોર્સ બ્લેક અને સ્નોફૉ઼લ વૉઈટ કલરમાં આવે છે. 

ફોનમાં આ છે વિશિષ્ટતા

Infinix Note 12 5G સીરીઝમાં બે ફોન લોન્ચ થયા છે. બંને સ્માર્ટ ફોનમાં લગભગ એક જેવા ફીચર્સ આપવામાં આવ્યાં છે. માત્ર તેના કેમેરા કૉન્ફિગ્રેશનમાં અંતર છે. Infinix Note 12 5G માં જ્યા 50MP નો મેન લેન્સ મળે છે. તો પ્રો વેરિએન્ટમાં બ્રાન્ડે 108MP નો મેન લેન્સ આપ્યો છે.