- ઈન્ડોનેશિયાના બાલીમાં મંદિરની સામે શખ્સની અશ્લિલ હરકત
- મંદિરની સામે વિદેશીએ ન્યૂડ થઈને કર્યું મેડિટેશન
- વીડિયો વાયરલ થતા લોકો ભડક્યાં
ઈન્ડોનેશિયાના બાલી ટાપુ પર એક વિદેશી નાગરિકે હિંદુ મંદિરની સામે નગ્ન થઈને ધ્યાન ધર્યું હતું. ન્યૂડ અવસ્થામાં ધ્યાનનો વીડિયો વાયરલ થતા લોકો ભડકી ઉઠ્યાં. અધિકારીઓએ વિદેશી નાગરિકની ઓળખ કરી છે પરંતુ તેનું નામ અને રાષ્ટ્રીયતા જાહેર કરવામાં આવી નથી કારણ કે તે હજી સુધી મળી આવ્યો નથી. ઈમીગ્રેશન ઓફિસે તેના સોશિયલ મીડિયા એકાઉન્ટ્સ દ્વારા વિદેશી નાગરિકનો સંપર્ક કરવાનો પ્રયાસ કરી રહી છે, પરંતુ હજી સુધી કોઈ પ્રતિસાદ મળ્યો નથી.
શું છે વાયરલ વીડિયોમાં
વાયરલ વીડિયોમાં જોઈ શકાય છે કે એક શખ્સ બિલકૂલ ન્યૂડ થઈને ઝાડ નીચે બેઠો છે અને મેડિટેશન કરી રહ્યો છે. તે કંઈક મંત્રોચ્ચાર કરી રહ્યો હોવાનું પણ જણાય છે.
વીડિયો વાયરલ થયો લોકો બોલ્યાં- વિદેશી ઈન્ડોનેશિયાનું અપમાન કર્યું
વીડિયો વાયરલ થયા બાદ લોકો કહી રહ્યા છે કે આ વ્યક્તિએ ઇન્ડોનેશિયાનું અપમાન કર્યું છે. ઇન્ડોનેશિયાના અધિકારીઓએ પણ આ વ્યક્તિની શોધ શરૂ કરી છે. નગ્ન અવસ્થામાં આ વ્યક્તિનો વીડિયો ત્યારે વાયરલ થયો જ્યારે પ્રખ્યાત બાલી ઉદ્યોગસાહસિક ની લુહ જેલાન્ટિકે તે વ્યક્તિનો વીડિયો ઇન્સ્ટાગ્રામ પર પોસ્ટ કર્યો હતો. પોસ્ટ કરતી વખતે લીએ લખ્યું, 'આટલું મોટું અપમાન! તમે અમારા મંદિરમાં નગ્ન થઈને ધ્યાન કરી રહ્યા છો... શું તારું મગજ ખોવાઈ ગયું છે? તમે બાલીના લોકો અને તેમના ધર્મનું અપમાન કરવા માટે આવું કેવી રીતે કરી શકો છો? અધિકારીઓ મહેરબાની કરીને આ માણસની ધરપકડ કરો, હવે બહુ થયું! આ અમારું બાલી લોકોનું અપમાન છે.
લોકોએ એવું પણ કહ્યું કે તેને બાલીમાં રહેવાનો અધિકાર નથી.
એપ્રિલમાં પણ બાલીમાં રશિયન મહિલા ન્યૂડ થઈ હતી
એપ્રિલમાં બાલીમાં પવિત્ર મનાતા એક વૃક્ષની સામે પોતાની નગ્ન તસવીર પોસ્ટ કરવા બદલ એક રશિયન મહિલાને ટાપુની બહાર કાઢી મૂકવામાં આવી હતી. આવી ઘટનાઓને પગલે ઇમિગ્રેશન ઓફિસે બાલીની સ્થાનિક સરકાર પર દબાણ કર્યું હતું કે તેઓ બાલીની મુલાકાતે આવતા પ્રવાસીઓ માટે ટ્રાવેલ ગાઇડ પ્રકાશિત કરે. દબાણને પગલે, સ્થાનિક સરકારે જૂનમાં બાલીની યાત્રા કરનારાઓ માટે ગાઈડલાઈન બહાર પાડી હતી.
