- એશિયા કપ 2023 માં ભારત અને પાકિસ્તાન વચ્ચે મેચ
- રોહિત શર્માએ હાલમાં ODI એશિયા કપમાં 24 મેચ રમી
- એશિયા કપમાં સૌથી વધુ મેચ રમનાર બીજો ખેલાડી બની ગયો
એશિયા કપ 2023ના સુપર-4 રાઉન્ડમાં ભારત અને પાકિસ્તાન વચ્ચે મેચ રમાઈ રહી છે. આ મેચમાં પાકિસ્તાનના કેપ્ટન બાબર આઝમે ટોસ જીતીને પહેલા બોલિંગ કરવાનો નિર્ણય લીધો છે. જ્યારે પણ બંને ટીમો વચ્ચે ક્રિકેટ મેચ હોય છે ત્યારે ચાહકો ખૂબ જ ઉત્સાહિત હોય છે. કેપ્ટન રોહિતે આ મેચમાં પ્રવેશતાની સાથે જ એક મોટો રેકોર્ડ બનાવી લીધો છે. રોહિતે એકલા હાથે ટીમ ઈન્ડિયા માટે ઘણી મેચો જીતી છે અને જ્યારે તે પોતાની લયમાં હોય છે ત્યારે તે કોઈપણ બોલિંગ આક્રમણને નષ્ટ કરી શકે છે. રોહિત શર્માએ હાલમાં ODI એશિયા કપમાં 24 મેચ રમી છે. તે પાકિસ્તાન સામે ODI એશિયા કપની 25મી મેચ રમવા આવ્યો છે અને આ પછી તે ODI એશિયા કપમાં સૌથી વધુ મેચ રમનાર સંયુક્ત બીજો ખેલાડી બની ગયો છે. તેણે મુશ્ફિકુર રહીમ અને સથાન જયસૂર્યાની બરાબરી કરી લીધી છે. આ બંને ખેલાડીઓએ ODI એશિયા કપમાં 25-25 મેચ રમી છે. આ સાથે જ તેણે મુથૈયા મુરલીધરન અને કુમાર સંગાકારાનો રેકોર્ડ તોડી નાખ્યો છે. આ બંને ખેલાડીઓએ ODI એશિયા કપમાં 24-24 મેચ રમી છે.
ODI એશિયા કપમાં સૌથી વધુ મેચ રમનાર ખેલાડીઓ
- મહેલા જયવર્દને- 28 મેચ
- સનથ જયસૂર્યા- 25 મેચ
- મુશ્ફિકુર રહીમ- 25 મેચ
- અરવિંદા ડી સિલ્વા – 24 મેચ
- મુથૈયા મુરલીધરન- 24 મેચ
- કુમાર સંગાકારા- 24 મેચ
- રોહિત શર્મા- 25 મેચ
ભારતે ઘણી મેચ જીતી હતી
ભારતીય ટીમના સ્ટાર બેટ્સમેન રોહિત શર્માએ એશિયા કપમાં અત્યાર સુધી 24 વનડે રમી છે અને 830 રન બનાવ્યા છે. આ સિવાય તેણે ODI એશિયા કપમાં 8 વખત ફિફ્ટી પ્લસ સ્કોર પણ બનાવ્યો છે. ODI એશિયા કપમાં ભારત માટે સૌથી વધુ રન બનાવવાના મામલે તે બીજા સ્થાને છે. તેનાથી આગળ સચિન તેંડુલકર (971 રન) છે.
