ક્રિકેટ / IPLમાં આખું સપ્તાહ જોવા મળ્યો ભારતીય બેટ્સમેનનો દબદબો, રિંકુસિંહથી લઈને તમામ ખેલાડીઓએ ધમાલ મચાવી

• IPLમાં બેટ્સમેનો અત્યાર સુધી ઘણું સારું પ્રદર્શન બતાવી રહ્યા છે
• આ ખેલાડીઓ ગયા અઠવાડિયે આઈપીએલમાં બેટથી ધમાલ મચાવી હતી

IPLની આ સિઝનમાં અત્યાર સુધીની દરેક મેચ ખૂબ રોમાંચથી ભરેલી રહી છે અને ખાસ કરીને બેટ્સમેનોને અત્યાર સુધીની મેચમાં ઘણું સારું પ્રદર્શન બતાવી રહ્યા છે. ભારતીય બેટ્સમેનોએ અત્યાર સુધીની મેચોમાં ઘણી શાનદાર ઇનિંગ્સ રમી છે. એવામાં આજે અમે તમને એવા ભારતીય બેટ્સમેનોના નામ જણાવીશું જેમને ગયા અઠવાડિયે આઈપીએલમાં બેટથી ધમાલ મચાવી હતી.

ગયા અઠવાડિયે આ ભારતીય બેટ્સમેને મચાવી ધમાલ 
- રાજસ્થાન રોયલ્સના બેટ્સમેન યશસ્વી જયસ્વાલ માટે આ અઠવાડિયું ખૂબ જ ખાસ રહ્યું છે. આ અઠવાડિયે તેણે દિલ્હી કેપિટલ્સ સામે 31 બોલમાં 60 રનની ઇનિંગ રમી હતી.
- આ સાથે જ ચેન્નાઈ સુપર કિંગ્સના અનુભવી સ્ટાર બેટ્સમેન અજિંક્ય રહાણેએ પહેલી જ મેચમાં મુંબઈ ઈન્ડિયન્સ સામે આ સિઝનની સૌથી ઝડપી અડધી સદી ફટકારી હતી. તેને 21 બોલમાં 61 રનની ઇનિંગ રમી હતી.
- ગુજરાત ટાઇટન્સ અને કોલકાતા નાઇટ રાઇડર્સ વચ્ચેની મેચમાં એક પછી એક ત્રણ ભારતીય બેટ્સમેનોએ બેટથી ખૂબ સારું પ્રદર્શન બતાવ્યું હતું. 
- ગુજરાતના સ્ટાર ઓલરાઉન્ડર વિજય શંકરે બેટિંગ કરીને 24 બોલમાં 63 રનની ઈનિંગ રમી હતી.
- KKR તરફથી વેંકટેશ અય્યરે 40 બોલમાં 83 રન બનાવ્યા હતા. 
- આ સાથે જ રિંકુ સિંહે પણ 21 બોલમાં સતત પાંચ છગ્ગા સાથે 48 રન બનાવીને KKRને જીત અપાવી હતી. 
- અઠવાડિયાની છેલ્લી મેચમાં શિખર ધવન અને રાહુલ ત્રિપાઠીએ પણ બેટથી શાનદાર પ્રદર્શન કર્યું હતું. 
- પંજાબ કિંગ્સના પહેલા કેપ્ટન શિખર ધવને 99 રનની અણનમ ઇનિંગ રમી હતી. 
- સાથે જ હૈદરાબાદના રાહુલ ત્રિપાઠીએ 38 બોલમાં 74 રનની શાનદાર ઇનિંગ રમી હતી.