નિવેદન / ઝીણાને ભારતના પહેલા PM બનાવાયા હોત તો ભાગલા ન પડ્યા હોત, દિગ્ગજ નેતાના નિવેદનથી ખળભળાટ

• અખિલેશના સાથી ઓમપ્રકાશ રાજભરનું નિવેદન
• જિન્ના ભારતના પહેલા પીએમ હોત તો દેશના ભાગલા ન પડેત
• રાજભરના નિવેદનથી વિવાદના એંધાણ

સુહેલદેવ ભારતીય સમાજ પાર્ટીના અધ્યક્ષ ઓમપ્રકાશ રાજભરેએ ભારતના ભાગલા માટે જવાબદાર ગણાતા પાકિસ્તાનના સંસ્થાપક મોહમ્મદ અલી જિન્નાના યશગાન કર્યાં છે. 

વાજપેયી અને લાલકૃષ્ણ અડવાણી ઝીણાના પ્રશંસક રહ્યાં હતા-રાજભરે 

રાજભરે બુધવારે અહીં કહ્યું કે જો જિન્નાહને દેશના પ્રથમ વડાપ્રધાન બનાવવામાં આવ્યા હોત તો દેશના ભાગલા ન થયા હોત. આટલું જ નહીં રાજભરે પૂર્વ વડાપ્રધાન અટલ બિહારી વાજપેયી અને બીજેપીના વરિષ્ઠ નેતા લાલકૃષ્ણ અડવાણીને પણ ઝીણાના પ્રશંસક કહ્યા હતા. રાજભરે હાલમાં જ આગામી વિધાનસભા ચૂંટણી માટે સપા સાથે ગઠબંધનની જાહેરાત કરી છે.

પત્રકારો સાથે વાત કરતાં તેમણે કહ્યું કે જરા વિચારો કે અટલજી અને અડવાણીજીએ પણ ઝીણાના વિચારોના વખાણ કેમ કર્યા. એટલા માટે હું માનું છું કે જો ઝીણાને દેશના પ્રથમ વડાપ્રધાન બનાવવામાં આવ્યા હોત તો દેશના ભાગલા ન થયા હોત.

ઉલ્લેખનીય છે કે તાજેતરમાં અખિલેશે પણ ઝીણાના વખાણ કર્યા હતા અને કહ્યું હતું કે તેમણે મહાત્મા ગાંધી, સરદાર પટેલ અને પં. નેહરુની જેમ સ્વતંત્રતા સંગ્રામમાં મહત્વની ભૂમિકા ભજવી હતી. વિરોધ પક્ષોએ આના પર આકરી પ્રતિક્રિયા આપી અને નેતાઓના જિન્ના પ્રેમને ચૂંટણીના ફાયદા માટે ધાર્મિક તુષ્ટિકરણની રાજનીતિનું પરિણામ ગણાવ્યું.