- ભારત અને પાકિસ્તાન વચ્ચે ક્યારે અને કઈ જગ્યાએ મેચ રમાશે
- BCCIએ ICCને ડ્રાફ્ટ શેડ્યુલ આપ્યું છે
- ભારતના આ પાંચ શહેરોમાં રમાશે વર્લ્ડ કપ
ભારત અને પાકિસ્તાન વચ્ચે ક્યારે અને કઈ જગ્યાએ મેચ રમાશે, તે નક્કી કરી દેવામાં આવ્યું છે. આ બાબતે હવે ફાઈનલ નિર્ણય આવવાનો બાકી છે. BCCIએ ICCને ડ્રાફ્ટ શેડ્યુલ આપ્યું છે. જ્યારે તમામ સભ્યો આ શેડ્યુલ સાથે સહમત થશે, ત્યારે આ શેડ્યુલને મંજૂરી આપવામાં આવશે. ભારતમાં આ વર્ષે ઓક્ટોબર અને નવેમ્બરમાં વન ડે વર્લ્ડ કપ રમાશે, જે માટે ડ્રાફ્ટ શેડ્યુલ રજૂ કરવામાં આવ્યું છે, જેમાં પાકિસ્તાનના તમામ કાર્યક્રમની જાહેરાત કરવામાં આવી છે. પાકિસ્તાન વર્લ્ડ કપ રમવા માટે ભારત આવશે કે નહીં, તે બાબતે કોઈ સ્પષ્ટતા કરવામાં આવી નથી.
15 ઓક્ટોબરના રોજ IND vs PAK
વન ડે વર્લ્ડ કપ 2023માં પાકિસ્તાનની ટીમ ભારતમાં 5 શહેરોમાં રમશે. આ 5 શહેરોમાં અમદાવાદ પણ શામેલ છે, જ્યાં 15 ઓક્ટોબરના રોજ ભારત અને પાકિસ્તાન વચ્ચે રમવામાં આવશે. આ હાઈ વોલ્ટેજ મેચ માટે નરેન્દ્ર મોદી સ્ટેડિયમ કરતા વધુ સારી જગ્યા કોઈ નથી.
પાકિસ્તાન ભારતના 5 શહેરોમાં મેચ રમશે
આ ટુર્નામેન્ટમાં પાકિસ્તાનની ભારત સામેની મેચ આ ટુર્નામેન્ટની પહેલી મેચ નહીં હોય. એક સપ્તાહ પહેલા જ પાકિસ્તાને મેચ રમવાની શરૂ કરી દીધી હશે. ટુર્નામેન્ટના ડ્રાફ્ટ શેડ્યુલ અનુસાર પાકિસ્તાન 6 ઓક્ટોબરના રોજ પહેલી મેચ હૈદરાબાદમાં રમશે. બીજી મેચ 12 ઓક્ટોબરના રોજ હૈદરાબાદમાં જ રમવામાં આવશે. આ બંને મેચ વર્લ્ડ કપ માટે ક્વોલિફાય થનાર ટીમ સાથે રમવામાં આવશે.
વનડે વર્લ્ડ કપ 2023માં પાકિસ્તાન 15 ઓક્ટોબરના રોજ ભારત સામે ત્રીજી મેચ રમશે. ચોથી મેચમાં બેંગ્લોરના મેદાન પર 20 ઓક્ટોબરના રોજ ઓસ્ટ્રેલિયા સામે રમવા માટે ઉતરશે. 23 ઓક્ટોબરના રોજ પાકિસ્તાન અફઘાનિસ્તાન સામે અને 27 ઓક્ટોબરના રોજ પાકિસ્તાન સાઉથ આફ્રિકા સામે રમશે. આ બંને મેચ ચેન્નઈમાં રમવામાં આવશે.
પાકિસ્તાનની ટીમ 31 ઓક્ટોબરના રોજ કોલકત્તામાં બાંગ્લાદેશ સામે રમશે. 5 નવેમ્બરના રોજ ન્યુઝીલેન્ડ vs પાકિસ્તાન હશે. આ મેચ દિવસે રમવામાં આવશે. ત્યાર પછી પાકિસ્તાન 12 નવેમ્બરના રોજ કોલકત્તામાં ઈંગ્લેન્ડ સામે રમવા માટે ઉતરશે. આ ડ્રાફ્ટ શેડ્યુલ પર આગામી સપ્તાહ સુધીમાં ફાઈનલ મોહર લાગી શકે છે.
