- નિર્ભયા રેપકેસ પછી પણ ભારત ત્યાંને-ત્યાં
- 11 વર્ષ બાદ પણ દેશમાં મહિલાઓ સુરક્ષિત નથી
- NCRBનાં રેપકેસનાં આંકડાઓ આંખો પહોળી કરી દેશે
વિકાસશીલ ભારત એક ક્ષેત્રમાં પાછળ રહી ગયું હોય તેવું લાગી રહ્યું છે. મહિલા અને બાળકીઓની સુરક્ષા કરવામાં ભારત આગળ વધવાની જગ્યાએ પાછળ જઈ રહ્યું છે. નિર્ભયા રેપકેસનાં 11 વર્ષો બાદ પણ ભારતમાં મહિલાઓ સુરક્ષિત નથી. 16 ડિસેમ્બર 2012ની રાત્રે દિલ્હીનાં રોડ પર એક પ્રાઈવેટ બસમાં ગેંગરેપનો એવો બનાવ બન્યો હતો જેણે માત્ર ભારત જ નહીં સમગ્ર વિશ્વને હચમચાવી દીધું હતું. આ એ જ ઘટના છે જે બાદથી દેશની રાજઘાની દિલ્હીને રેપનું કેપિટલ કહેવામાં આવે છે. આ એ જ સમય હતો જ્યારે લોકોને રેપની ગંભીરતા અને ક્રૂરતા સમજ આવી હતી. આ એ જ સમય હતો જ્યારે ડિસેમ્બરની કકડતી ઠંડીમાં દેશભરની છોકરીઓ પેરામેડિકલની છાત્રાઓ નિર્ભયાને ન્યાય અપાવવા અને સુરક્ષા મેળવવા માટે દિલ્હીનાં રસ્તા પર ઊતરી હતી.
11 વર્ષ બાદ દેશમાં શું બદલાયું?
આ રેપકાંડ બાદ દેશમાં અનેક ફેરફારો આવ્યાં. દેશભરમાં મહિલાઓની સુરક્ષા માટે અનેક પગલાઓ ભરવામાં આવ્યાં. નિર્ભયા રેપકાંડ બાદ જસ્ટિસ જે.એસ.વર્મા કમિટીની ભલામણો લાગૂ કરવામાં આવી. દરેક જિલ્લામાં રેપ પીડિતાઓ માટે વન સ્ટોપ સેંટર બનાવવામાં આવ્યાં, હેલ્પલાઈન નંબર શરૂ કરવામાં આવ્યાં, નિર્ભયા ફંડ શરૂ કરવામાં આવ્યાં, નિર્ભયા સ્ક્વોડ, નિર્ભયા એપ પણ બનાવવામાં આવી. એટલું જ નહીં 8 વર્ષો સુધી કેસ ચાલ્યા બાદ નિર્ભયાનાં ચાર આરોપીઓ મુકેશ, પવન, અક્ષય અને વિનયને માર્ચ 2020માં તિહાડ જેલમાં ફાંસી આપવામાં આવી. એક જુવેનાઈલને મુક્ત કરવામાં આવ્યું જ્યારે એક આરોપી રામ સિંહે જેલમાં ટ્રાયલ દરમિયાન આત્મહત્યા કરી લીધી.
નિર્ભયા બાદ દેશમાં આટલા ફેરફારો બાદ તો લાગ્યું કે હવે દેશમાં બાળકીઓ અને મહિલાઓ સુરક્ષિત હશે. ભારતમાં દુષ્કર્મ અને સામૂહિક દુષ્કર્મનાં આંકડાઓમાં ઘટાડો થયો હે. પણ થયું તો કંઈ વિપરીત જ...NCRBનાં આંકડાઓ અનુસાર નિર્ભયા કાંડ બાદ દરવર્ષે દેશમાં રેપનાં મામલા વધ્યાં છે.
વર્ષ રેપકેસની સંખ્યા
2022 31516
2021 31677
2020 28046
2019 32032
2018 33356
2017 32559
2016 38947
2015 34651
2014 36735
2013 33707
2012 24923
11 વર્ષ બાદ સ્થિતિ વધુ ખરાબ
નેશનલ ક્રાઈમ રેકોર્ડસ્ બ્યૂરોનાં આંકડાઓ અનુસાર 2022માં દેશમાં રેપનાં કુલ 31516 મામલાઓ સામે આવ્યાં હતાં. એટલે કે દરરોજ આશરે 87 અને દર કલાકે 3-4 મહિલા/બાળકી રેપનો શિકાર થઈ રહી છે. આ રિપોર્ટમાં રાજસ્થાન રેપ કેપિટલ બની ગયું છે. રાજસ્થાનમાં ગતવર્ષે સૌથી વધારે 5399 રેપનાં મામલા થયાં હતાં. જ્યારે દિલ્હીમાં 1212 મામલા નોંધાયા હતાં.
રજિસ્ટર્ડ રેપકેસનાં આંકડાઓ વાંચવા માટે અહીં ક્લિક કરો: રેપકેસ આંકડાઓ 2022
