વર્લ્ડ કપ / સેમી ફાઈનલની તક આપતી ન્યૂઝીલેન્ડ મેચ પહેલા કોહલી માટે માઠા સમાચાર, રમી શકશે કે નહીં?

• આવતીકાલે ભારત-ન્યૂઝીલેન્ડ વચ્ચે મહત્વની મેચ
• ફાસ્ટ બોલર ટીમ સાઉધી ન્યૂઝીલેન્ડ ટીમમાં આવી રહ્યો છે
• ટીમ સાઉદી સામે કોહલીનો રેકોર્ડ છે ખૂબ ખરાબ

ભારત અને ન્યુઝીલેન્ડ વચ્ચે આવતીકાલે એટલે કે 22 ઓક્ટોબરે હિમાચલના ધર્મશાળા ક્રિકેટ સ્ટેડિયમમાં આઇસીસી વર્લ્ડ કપ 2023ની 21મી મેચ રમાશે. આ મેચ વર્લ્ડ કપની બે સૌથી સફળ ટીમો વચ્ચે બનવા જઈ રહી છે. આ મેચ પહેલા ન્યૂઝીલેન્ડના કેપ્ટન ટોમ લાથમે એક મોટું અપડેટ આપ્યું છે. મેચના એક દિવસ પહેલા લાથમના અપડેટે કોહલીની ચિંતા વધારી દીધી છે. લાથમે કહ્યું કે, ફાસ્ટ બોલર ટીમ સાઉધી સાજો થઈ ગયો છે અને તે ભારત સામે રમવા તૈયાર છે. અર્થાત આવતીકાલની મેચમાં ટીમ સાઉધી રમશે. 

ટીમ સાઉધી સામે કોહલીનો રેકોર્ડ ખૂબ ખરાબ 
ન્યુઝીલેન્ડના કેપ્ટન ટોમ લાથમે પુષ્ટિ આપી છે કે ટિમ સાઉધી ભારત વિરુદ્ધ ન્યુઝીલેન્ડ ક્રિકેટ વર્લ્ડ કપ ટાઇમાં પસંદગી માટે તૈયાર છે. ટિમ સાઉધી ભારત સામે વાપસી કરી શકે છે. આવી સ્થિતિમાં વિરાટ કોહલી માટે ચિંતાનો વિષય છે. સાઉદીના બોલરોની સામે કોહલીનો રેકોર્ડ ખુબ જ કંગાળ છે. કોહલી અને સાઉથી વન-ડે ક્રિકેટમાં અત્યાર સુધી 6 વખત આમને-સામને ટકરાયા છે અને દરેક વખતે સાઉદીએ કોહલીની વિકેટ લીધી છે. આ પરથી સ્પષ્ટ થાય છે કે, જો ટિમ સાઉથી ભારત સામે પુનરાગમન કરશે તો કિંગ કોહલી માટે મુશ્કેલીઓ વધી શકે છે.

ટીમ સાઉધી અત્યાર સુધી કોહલીને 11 વાર આઉટ કર્યો 
વન ડે ક્રિકેટ ઉપરાંત ટી-20, ટેસ્ટ અને આઇપીએલમાં પણ કોહલી અને સાઉધી આમને-સામને આવી ચૂક્યા છે. દરેક ફોર્મેટમાં સાઉધીએ કોહલીની વિકેટ ઝડપી છે. સાઉધી અને વિરાટ 4 ટેસ્ટ મેચમાં આમને-સામને, સાઉદીએ કોહલીને 3 વખત આઉટ કર્યો છે. આ સાથે જ 3 ટી-20 મેચમાં સાઉદીએ કોહલીને એક વખત આઉટ કર્યો છે. આ સાથે જ બંને આઈપીએલમાં 7 વખત આમને-સામને રહી ચૂક્યા છે, અહીં પણ સાઉદીએ કોહલીને એક વખત આઉટ કર્યો છે. સાઉધી કોઈ પણ ફોર્મેટમાં કોહલીની વિકેટથી દૂર નથી. કુલ મળીને સાઉધીએ કોહલીને 11 વખત આઉટ કર્યો છે. આવી સ્થિતિમાં જો સાઉથી પાછો ફરે તો કોહલીએ ન્યુઝીલેન્ડ સામે સાવચેતીપૂર્વક રમવાની જરુર છે.