આપઘાત / રાજકોટમાં પિતાએ દીકરીને મોડીરાત સુધી મોબાઇલ ન વાપરવા આપ્યો ઠપકો, માઠું લાગતાં મેર દીકરીએ ગટગટાવી દવા, થયું મોત

• રાજકોટમાં મોબાઈલ વાપરવાને લઈ પિતાએ દીકરીને ઠપકો આપ્યો
• મોડી રાત સુધી દીકરીને મોબાઈલ ન વાપરવાનું કહેતા દીકરીનો આપઘાત
• સારવાર દરમ્યાન યુવતીનું મોત નિપજતા પરિવારજનોમાં શોકનો માહોલ

 આજનાં આધુનિક યુગમાં યુવાનોમાં મોબાઈલનું દુષણ વધતું જાય છે. જેના કારણે યુવાનો ભણવામાં તેમજ બીજી એક્ટિવીટીમાં રસ ઓછા દાખવે છે. ત્યારે અમુક વખત માતા-પિતા દ્વારા યુવાનોને મોબાઈલ બાબતે ઠપકો આપતા યુવાનો દ્વારા એવું પગલું ભરવામાં આવે છે. જેથી માતા-પિતાના પાછળથી પસ્તાવાનો વારો આવે છે. આવો જ એક બનાવ રાજકોટમાં બન્યો હતો. જેમાં પિતા દ્વારા યુવતીને મોડી રાત સુધી મોબાઈલનો ઉપયોગ કરવાની મનાઈ ફરમાવતા યુવતીએ ઝેરી દવા  ગટગટાવી આપઘાત કરી લેતા પરિવારજનોમાં ગમગીની છવાઈ ગઈ હતી. 

Rajkot News: રાજકોટમાં મોબાઇલ વાપરવાને લઇને ઠપકો આપતા દીકરીએ કર્યો આપઘાત, મોડીરાત સુધી મોબાઇલ ન વાપરવાનું કહેતા 20 વર્ષની દીકરી દેવાંગી મેરને લાગ્યું માઠું, ઝેરી દવા પી લેતા હોસ્પિટલમાં સારવાર દરમિયાન મોત, કુવાડવા પોલીસે હાથ ધરી તપાસ #gujaratnews #rajkotnews #vtvgujarati pic.twitter.com/090QCKRstP

— VTV Gujarati News and Beyond (@VtvGujarati) December 13, 2023

સારવાર દરમ્યાન યુવતીનું મોત નિપજ્યું
રાજકોટ ખાતે રહેતી 20 વર્ષીય યુવતી મોડી રાત સુધી મોબાઈલનો ઉપયોગ કરતી હોઈ યુવતીનાં પિતા દ્વારા તેને ઠપકો આપ્યો હતો.  જે બાદ પિતાનાં ઠપકાથી નારાજ યુવતી લાગી આવ્યું  હતું.  જે બાદ યુવતીએ ઝેરી દવા પી લીધી હતી. જેની જાણ પરિવારજનોને થતા યુવતીને તાત્કાલીક સારવાર અર્થે હોસ્પિટલ ખસેડાઈ હતી. જ્યાં સારવાર દરમ્યાન યુવતી દેવાંગી મેરનું મોત નિપજ્યું હતું. આ અંગે પોલીસને જાણ કરતા કુવાડવા પોલીસે ગુનો નોંધી યુવતીની લાશને પી.એમ. અર્થે ખસેડી હતી.