ના હોય! / એક જ દિવસમાં સોનુ સૂદને મદદ માટે એટલી રિકવેસ્ટ આવી કે એક્ટરે કહ્યું 2035મું વર્ષ થઈ જશે

• સોનુ સૂદને આવી અધધ રિકવેસ્ટ 
• બધી પૂરી કરવા જાય તો 2035 થઇ જાય
• એક્ટર કરી રહ્યો છે બધાની મદદ 

સોશ્યલ મિડીયા પર મદદ માંગતા લોકોને સોનૂ માત્ર જવાબ જ નથી આપતા પરંતુ તેમની મદદ પણ કરે છે. સોનુ ઓક્સિજન સિલિન્ડરથી લઇને બેડ સુધી બધી જ મદદ કરી રહ્યાં છે. તેવામાં સોનુએ નિવેદન આપ્યુ છે કે એટલી મદદની રિકવેસ્ટ આવી રહી છે કે બધા પાસે પહોંચવુ અઘરુ બન્યુ છે. 

સોનુએ કરી ટ્વિટ 
અભિનેતાએ હાલમાં જ એક ટ્વિટ કરી કે તેમને એક દિવસમાં એટલી રિકવેસ્ટ આવે છે કે બધા પાસે મદદ પહોંચાડવી અઘરી બની છે. એક એક સુધી પહોંચવાનો પ્રયત્ન કરીશુ તો કેટલા વર્ષ લાગશે તે પણ ખબર નથી. 

 

Yesterday I got close to 41660 requests
We try our best to reach out to all.
Which we can't..
If I try to reach out to everyone it will take me 14 years to do that.
That means it will be 2035 🇮🇳🙏

— sonu sood (@SonuSood) May 9, 2021

 

સોનૂએ પોતાની ટ્વિટમાં કહ્યું કે કાલે મને લગભગ 41660 અપીલ મળી હતી. અમે અમારા તરફથી પહોંચવાનો પ્રયત્ન કરી રહ્યા છીએ પરંતુ તે શક્ય નથી બની રહ્યું. જો હું બધા સુધી પહોંચવાનો પ્રયત્ન કરુ તો મને લગભગ 14 વર્ષ લાગી જશે માટે આ બધી અપીલ પર હું 2035 સુધી મદદ પહોંચાડી શકીશ. 

સોનૂની આ પોસ્ટ પર લોકો પોતાની પ્રતિક્રિયા આપી રહ્યાં છે અને લોકો તેની વાત સાથે સહમત પણ થઇ રહ્યાં છે. કેટલાક યુઝર્સ કમેન્ટ દ્વારા તેની સાથે પણ જોડાઇ રહ્યા છે અને કહે છે કે જો આ સેવાકાર્યમાં તે સોનુ સાથે જોડાઇ શકે તો તેમના માટે સૌભાગ્યની વાત હશે. સોનુના આ ટ્વિટ બાદ લોકો મદદ માટે આગળ આવ્યા છે. 

તમને જણાવી દઇએ કે આ સંક્રમણ કાળમાં સોનુએ અસલી હીરો બનીને લોકોની મદદ કરી છે. તેમણે લોકોને રેમડેસિવિર ઇન્જેક્શન ઉપલબ્ધ કરાવવાથી લઇને બેડ અને ઓક્સિજન લાવી આપવામાં પણ મદદ કરી છે., સોનુએ કહ્યું છે કે બધા જ ટ્વિટની અપીલ પર શક્ય તેટલી મદદ કરશે.