યમરાજ / અમદાવાદમાં ડમ્પર ચાલકો બેફામ, દિવસે પ્રતિબંધ છતાં કોના છૂટા દોર હેઠળ નિયમોને બ્રેક

• ડમ્પર બન્યા યમરાજ
• શહેરમાં નંબર પ્લેટ વિનાના ડમ્પરો
• ડમ્પરના કારણે અનેક લોકોએ ગુમાવી ચૂક્યા છે જીવ 

ન નંબર  ન લાઈસન્સ ન તો શહેરમાં કોઈ રોકનાર જો તમે બાઈક લઈને નિકળ્યા તો તમારા જીવની જવાબદારી તમારી ખુદની રહેશે  ન કે બેફામ રીતે દોડતા ડમ્પરની કારણ કે, ડમ્પર ચાલકો પર તો તંત્રના ચાર હાથ છે

અમદાવાદમાં જીવલેણ ડમ્પરનું રાજ! 
ગમે ત્યારે.. ગમે તે સમયે અમદાવાદમાં ડમ્પર તમને અડફેટે લઈ શકે છે.. કારણ કે, અમદાવાદમાં ડમ્પર ચાલકોને રોકનારું કોઈ નથી.અને ખાસ કરીને એવા ડમ્પર ચાલકોને જેમના પર તંત્રના જ ચાર હાથ છે.. વિશ્વાસ ન હોય તો બેફામ ગતિએ દોડતા આ ડમ્પરોને જોઈ લો. આ ડમ્પરો ડશમ્પગ સાઈડ પર કોન્ટ્રાક્ટ પર ચાલી રહ્યા છે. મહાનગરપાલિકાનું કામ હોવાથી તેમને દિવસે પણ શહેરમાં ગમે ત્યાં ફેરવવાની છૂટ હોય છે. બીજી તરફ આ ડમ્પરોમાંથી કેટલાક પર નંબર પ્લેટ જ નથી હોતી.જ્યારે કેટલાકની નંબર પ્લેટ પર માટી જામી જતા નંબર નથી દેખાતા. અને એકસ્માત થાય તો સરળતાથી ભાગી જાય છે.. જોકે અમે આ ડમ્પર ચાલકો સાથે વાત કરી તો ચોંકાવનારી બાબત તો એ સામે આવી કે, તેમની પાસે પોતાના લાયસન્સ પણ નહોતા.   

રાત્રીના 10 વાગ્યા પછી જ મોટા વાહનોને મળે છે શહેરમાં પ્રવેશ 
શહેરમાં મોટા વાહનોને દિવસ દરમિયાન પ્રવેશ માટે મંજૂરી ન હોવાથી ટ્રાવેલ્સથી લઈને અન્ય કોઈપણ માલવાહક વાહનો શહેરમાં પ્રવેશ કરતા નથી. માત્ર સત્તાધિશોના મળતિયાઓના વાહનો ફરે છે.. અથવા તો કોર્પોરેશનના વાહનો. અને આ વાહન ચાલકો એટલી સ્પીડ પર જતા હોય છે કે, મહિનામાં 2 થી 3 લોકોનાં તેની અડફેટે આવતા મૃત્યું થાય છે.. પરંતુ તેમને રોકનાર કોઈ નથી. 

VTVના સળગતા સવાલ

અહીં સવાલ એ થાય છે કે, પૂરપાટ ઝડપે ચાલતા ડમ્પરો પર ક્યારે બ્રેક લાગશે? શું આ ડમ્પરો માટે શહેરમાં કોઈ કાયદો નથી? ક્યાં સુધી આમ જનતાનો ભોગ લેતા રહેશે ડમ્પરો? સવાલો અનેક છે. પરંતુ આશા રાખીએ કે, અમારા આ રિપોર્ટ પછી તંત્ર લોકોનો ભોગ લેતા આવા બેફામ ચાલતા ડમ્પરો પર નિયમોની બ્રેક લગાવશે