અહેવાલનો પડધો / VIDEO : VTVના અહેવાલ બાદ આખરે રાજકોટમાં વિજય રૂપાણી મુખ્યમંત્રીથી પૂર્વ મુખ્યમંત્રી થયા, તાબડતોબ સ્ટિકર લગાવાયું

• રાજકોટમાં વીટીવીના અહેવાલનો પડઘો પડ્યો 
• પૂર્વ મુખ્યમંત્રી વિજયરૂપાણીની તક્તીમાં નામ સુધારાયું 
• તક્તીમાં મુખ્યમંત્રીની આગળ પૂર્વ લખવામાં આવ્યું

રાજકોટ ભાજપમાં અંદરોઅંદર વિખવાદ સર્જાયો છે. જે વિખવાદ હવે ચરમસીમાએ પહોચી ગયો છે. ભાજપના કાર્યાલય ખાતે વિજય રૂપાણીના નામ આગળ મુખ્યમંત્રી વાળી તખ્તી મુકવામાં આવી હતી. જેને લઈને વીટીવી દ્વારા અહેવાલ રજૂ કરવામાં આવ્યો તો તે તક્તીમાં બાદમાં બદલાવ કરવામાં આવ્યો છે. 

નામ આગળ પૂર્વ લગાવામાં આવ્યું

પૂર્વ મુખ્યમંત્રી વિજયરૂપાણીની તક્તીમાં આગળ હવે પૂર્વ  લગાવી દેવામાં આવ્યું છે. પહેલા તેમની તક્તીમાં આગળ મુખ્યમંત્રી વિજયરૂપાણી લખાયેલું હતું જોકે હવે તેમની તક્તી પાસે પૂર્વ મુખ્યમંત્રી લખવામાં આવ્યું છે. મહત્વનું છે કે વીટીવીના અહેવાલ બાદ તક્તી પર મુખ્યમંત્રી વિજયરૂપાણીની જગ્યાએ પૂર્વ  મુખ્યમંત્રી વિજય રૂપાણીનું  લખવામાં આવ્યું છે.

ભાજપમાં આંતરિક વિખવાદ વધ્યો 

બીજી તરફ રાજકોટમાં હવે દિવસેને દિવસે ભાજપનો આંતરિક વિખવાદ વધી રહ્યો છે. અંદરો અંદર બે જૂથો વચ્ચે વિખવાદ સર્જાયો હોય તેવી માહિતી સામે આવી છે. આ આંતરિક જૂથવાદને કારણે પ્રદેશ પ્રમુખ સી આર પાટિલની હાજરીમાં મળનારૂ સ્નેહ મિલન પણ રદ કરી દેવામાં આવ્યું છે. જેને લઈને આ મુદ્દો હવે ચર્ચાનું કેન્દ્ર બન્યો છે. 

આમંત્રણ પત્રિકામાં વિજયરૂપાણીની બાદબાકી

આગામી 20 નવેમ્બરના રોજ સ્નેહમિલન યોજાવાનું હતું, જેમા જનસંઘથી ભાજપ સુદીના તમામ કાર્યકરો માટે સ્નેહ મિલનનું આયોજન કરવામાં આવ્યું હતું. જોકે આમંત્રણ પત્રિકામાં પૂર્વ સીએમ વિજય રૂપાણીનું નામ ન હતું. જેના કારણે આમંત્રણ પત્રિકામાં વિજયરૂપાણી બાદબાકી થતા આ વિવાદ સર્જાયો હતો.