અર્થતંત્ર / IMFએ ભારતને આપી ચેતવણી, આર્થિક મંદીથી બહાર આવવા તાત્કાલિક એક્શન લે સરકાર

• IMFએ દેશમાં જીડીપી ગ્રોથને વધારવા માટે ભારત સરકારને સલાહ આપી 
• દેશમાં આર્થિક મંદીને સંભાળવા માટે ભારત સરકારે જલ્દી જ પગલા ઉઠાવવાની જરૂર છે
• આવતા મહીને આઇએમએફ તરફથી વર્લ્ડ ઇકોનોમિક આઉટલુક જાહેર કરાશે
   

IMFએ પોતાની વાર્ષિક સમીક્ષામાં કહ્યું કે, ગ્રાહકોની માંગમાં ઘટાડો, કરની આવકમાં ઘટાડો અને અન્ય ઘણા કારણોથી ભારતની અર્થવ્યવસ્થામાં એક બ્રેક જેવુ લાગી રહ્યું છે. આઇએમએફના એશિયા એન્ડ પેસેફિક ડિપાર્ટમેન્ટથી જોડાયેલા રાનિલ સાલગાદોએ કહ્યું, લાખો લોકોને ગરીબી રેખાથી બહાર નીકાળ્યા બાદ ભારતની અર્થવ્યવસ્થા મંદીથી પસાર થઇ રહી છે. 

તાત્કાલિક પોલિસી એક્શન લેવાની જરૂર

તેઓએ કહ્યું કે, વર્તમાન મંદીને દૂર કરવા અને એક વાર ફરી ભારતને ઉંચી ગ્રોથ રેટ તરફ લઇ જવા માટે તાત્કાલિક એક્શનની જરૂર છે. તેના માટે નીતિગત એક્શન લેવાની જરૂર છે. જોકે, આઇએમએફે કહ્યું કે, સરકારે ખર્ચ વધારવાના અવસરોને મર્યાદિત કર્યા છે. 

ભારતને ડાઉનગ્રેડ કરી શકે છે IMF 

ગત સપ્તાહે જ આઇએમએફના ચીફ ઇકોનોમિસ્ટ ગીતા ગોપીનાથે કહ્યું હતું કે, ભારતની અર્થવ્યવસ્થામાં મંદીને પગલે વૈશ્વિક સંસ્થાએ તેને ડાઉનગ્રેડ કરવી પડશે. તેઓએ કહ્યું હતું કે, આવતા મહીને આઇએમએફ તરફથી વર્લ્ડ ઇકોનોમિક આઉટલુક જાહેર કરવામાં આવશે.