બોલિવૂડ / AIએ રિક્રિએટ કર્યા આદિપુરુષ ફિલ્મના રામ-સીતા અને રાવણ, જુઓ કેવા દેખાઈ રહ્યા છે સ્ટાર્સ

• AIએ આદિપુરુષનાં પાત્રોની ઈમેજ કરી રિક્રિએટ 
• રામ-સીતા અને રાવણને આપ્યો નવો લૂક
• AI જનરેટેડ ફોટોઝ થઈ રહી છે વાયરલ

આદિપુરુષ શુક્રવારે રિલીઝ થઈ ગઈ છે પરંતુ રિલીઝ થયાં બાદથી જ આ ફિલ્મ પોતાનાં VFX અને ડાયલોગને કારણે સોશિયલ મીડિયા પર સતત ટ્રોલ થઈ રહી છે. લોકો આદિપુરુષનાં પાત્રોનાં લૂકને પસંદ નથી કરી રહ્યાં. એટલું જ નહીં આ ફિલ્મમાં રામનું પાત્ર હોય કે રાવણ,  લોકો મૂવીનાં VFXની આલોચના કરી રહ્યાં હતાં. યૂઝર્સ સોશિયલ મીડિયા પર મૂવીની ક્લિપ શેર કરીને મજાક પણ બનાવી રહ્યાં છે.

તમામ પાત્રોનો લુક રિક્રિએટ 
આ તમામની વચ્ચે AIએ આદિપુરુષનાં તમામ પાત્રોનો લુક રિક્રિએટ કર્યો છે. ટ્રોલ કરવાની સાથે સાથે કેટલાક લોકો સોશિયલ મીડિયા પર AIનો ઉપયોગ કરીને કાસ્ટનાં લુકને રિક્રિએટ કરીને પોસ્ટ કરી રહ્યાં છે.

AI જનરેટેડ ફોટોઝ વાયરલ
MidJourney એક પ્રખ્યાત AI બેસ્ટ ઈમેજ જનરેટર છે. તેની મદદથી જ આ ફિલ્મનાં પાત્રોનો લૂક રિક્રિએટ કરવામાં આવ્યો છે. AI દ્વારા બનાવવામાં આવેલ તમામ ફોટો ખુબ વાયરલ થઈ રહ્યાં છે. 

લુક રિક્રિએટ કરાયો
AIએ આ રિક્રિએશનમાં કાસ્ટને ચેન્જ નથી કરી, માત્ર તેમનો લુક જ રિક્રિએટ કર્યો છે. ભગવાન રામનું પાત્ર ભજવનારા પ્રભાસ અને સીતાનું પાત્ર ભજવી રહેલ કૃતિ સેનનનાં લુકને પણ રિક્રિએટ કરવામાં આવ્યું છે. 

આ મૂવીમાં રાવણનું પાત્ર ભજવી રહેલા સૈફ અલી ખાનનાં લૂકને પણ રિક્રિએટ કરવામાં આવ્યું છે. અત્રે ઉલ્લેખનીય છે કે ફિલ્મમાં તેમના લૂકને લઈને યૂઝર્સને ઘણી ફરિયાદો છે. જો કે AI એ રાવણનાં પાત્રમાં સૈફ અલી ખાનને નવો લુક આપ્યો છે.

VFX ની ક્વોલિટી પર સવાલ
600 કરોડનાં ખર્ચે બનાવવામાં આવેલી આદિપુરુષ ફિલ્મમાં કરોડો રૂપિયાનો ખર્ચ VFXની પાછળ કરવામાં આવ્યો છે ત્યારે યૂઝર્સ તરફથી સતત મૂવીનાં VFXની ક્વોલિટીને લઈ સવાલો ઊઠી રહ્યાં છે. જો કે AI દ્વારા તૈયાર કરવામાં આવેલ લૂક અત્યંત આકર્ષક છે.