દંડ / અમદાવાદમાં હવે જાહેરમાં ગંદકી કરશો તો ઘરે આવશે મેમો, AMC રાખશે ચાંપતી નજર, લેવાયો આ નિર્ણય

ઘણા સમયથી આ સિસ્ટમ અમલમાં છે પરંતુ કોર્પોરેશન દ્વારા ધીમી ગતિએ કામગીરી થતી હતી. હવે જ્યારે સ્વચ્છતા સર્વેક્ષણ આવવાનું છે ત્યારે આ કામગીરી તેજ બનાવવામાં આવશે.

₹100 નો દંડ વસૂલાશે

સ્ટેન્ડિંગ કમિટીના ચેરમેન દેવાંગ દાણીએ જણાવ્યું હતુ કે અમદાવાદ મહાનગરપાલિકા દ્વારા જે કોઈ પણ વ્યક્તિ વાહન ઉપરથી રોડ ઉપર થુકશે તેનું સીસીટીવી થી મોનિટરિંગ કરી ને મેમો વાહન નંબરના આધારે સીધો જ તેના ઘરે મોકલી આપવામાં આવશે અને ₹100 નો દંડ વસૂલવામાં આવશે. પરિણામે આની પાછળનો આશય આપણું શહેર અને તેના રોડ રસ્તાને સ્વરછ રાખવાનો છે. હાલમાં વેસ્ટમાંથી ઇલેક્ટ્રીકસીટી ઉત્પન્ન કરવામાં આવી રહી છે. ત્યારે કેમેરાથી બાજ નજર રાખીને અમદાવાદને વધારે સુંદર બનાવવામાં આવશે. ઉલ્લેખનિય છે કે વર્ષ 2023-24 માં અમદાવાદમાં જાહેરમાં થૂંકતા 4749 લોકોને ઈ મેમો આપવામાં આવ્યો હતો.

મહાનગરપાલિકાની અનોખી પહેલ

અમદાવાદ શહેર હવે લગ્નગાળામાં પણ સ્વચ્છ બની રહે તે માટે મહાનગરપાલિકાએ અનોખી પહેલ કરી છે. ખાસ કરીને દેવ દિવાળી બાદ લગ્નગાળાનો પ્રારંભ થતા જ સરકારી થી માંડીને ખાનગી તથા સરકારી હોલ તથા પાર્ટીપ્લોટના બુકીંગ ફુલ ચાલી રહ્યા છે. આ ખાનગી પાર્ટીપ્લોટમાં યોજાતા લગ્નસમારંભમાં ખોરાક સિવાય પણ અનેક પ્રકારે કચરો ઠલવાતા ગંદકી ફેલાતી હોય છે.

આ પણ વાંચો: ન કોઈ ફોન આવ્યો ન OTP...મધરાત્રે વેપારીના ખાતામાં ઉપડી ગયા 30 લાખ, આવા ફ્રોડથી બચજો

પરંતુ હવે અમદાવદમાં મહાનગરપાલિકાએ ખાનગી પાર્ટીપ્લોટની સફાઇ કરવાની તૈયારી દાખવી છે. જેના કારણે મહાનગરપાલિકા દ્વારા ખાનગી એજન્સી નિમવામાં આવી છે. જે ખાનગી પાર્ટીપ્લોટમાંથી કિચન વેસ્ટ સિવાયનો કચરો લઇ જશે. આ સેવા માટે પાર્ટી પ્લોટ પાસેથી જ ચાર્જ વસૂલશે. જો કે આ માટે પ્રસંગ પહેલા પાર્ટી પ્લોટ મહાનગરપાલિકામાં રજીસ્ટ્રેશન કરવાનું રહશે. જેના આધારે નિમાયેલી એજન્સી ત્યાંથી કચરો ઉપાડી જશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ