તમારા કામનું / પોલીસ ગાડી રોકી લાયસન્સ માંગે તો તરત સામે માંગો આ કાગળ, તમારા આ અધિકારોનો જરૂર કરો ઉપયોગ

• પોલીસ ગાડી રોકી લાયસન્સ માંગે તો તરત સામે માંગો આ કાગળ
• તમામ અધિકાર ફક્ત ટ્રાફિક પોલીસ પાસે નથી હોતા
• તમારા કેટલાક અધિકારો વિશે જાણો 

કાર, બાઇક અથવા સ્કૂટર ચલાવતા લોકોએ ટ્રાફિકના નિયમોનું પાલન કરવું જોઈએ કારણ કે જો નિયમોનું પાલન કરવામાં ન આવે તો એવા કિસ્સામાં અકસ્માતો થઈ શકે છે અને જે લોકો રસ્તા પર મુસાફરી કરી રહ્યા છે તેમના માટે મુશ્કેલીની સ્થિતિ સર્જાઈ શકે છે. એવામાં ટ્રાફિકના નિયમોનું પાલન કરવા માટે રસ્તાઓ પર ટ્રાફિક પોલીસ તૈનાત કરવામાં આવે છે પણ જો પોલીસ તમને કોઈ કારણસર રોકે તો એવું નથી કે તમામ અધિકાર ફક્ત તેમની પાસે છે. જણાવી દઈએ કે એવા સમયમાં તમારી પાસે પણ કેટલાક અધિકારો છે. આજે અમે તમને તમારા કેટલાક અધિકારો વિશે જણાવવા જઈ રહ્યા છીએ.

ID બતાવવા માટે કહો 
ઘણી વખત એવું બને છે કોઈ કારણ વિના તમે ટ્રાફિક પોલીસ રોકે છે અને એવા સમયમાં જ્યારે તમે ટ્રાફિક પોલીસ રોકે અને તમને દસ્તાવેજ (DL વગેરે) બતાવવાનું કહે તો તમે તેમને ID બતાવવા માટે કહી શકો છો. આ સાથે જ તેનો બકલ નંબર અથવા નામ નોંધી શકો છો પણ જો જો ટ્રાફિક પોલીસમેન તમને ID બતાવવાનો ઇનકાર કરે છે, તો તમે તેમને તમારા દસ્તાવેજો બતાવવાનો ઇનકાર કરી શકો છો.

ડોક્યુમેન્ટ બતાવો પણ આપો નહીં 
મોટર વાહન અધિનિયમની કલમ 130 જ્યારે કોઈ પોલીસ અધિકારી તમારી પાસેથી દસ્તાવેજો માંગે ત્યારે તમારે સ્થળ પર ફક્ત જરૂરી દસ્તાવેજો બતાવવાના હોય છે પણ દસ્તાવેજો સોંપવાનો વિકલ્પ સંપૂર્ણપણે તમારી પસંદગી પર આધાર રાખે છે. એવામાં તમે ઈચ્છો તો તમે તમારા દસ્તાવેજો આપવાનો ઇનકાર કરી શકો છો.

ડ્રાઇવિંગ લાયસન્સ જપ્ત કર્યાની રસીદ
ઘણી પરિસ્થિતિમાં એવું બને છે કે  પોલીસ અધિકારી તમારું લાઇસન્સ જપ્ત કરવાનું નક્કી કરે, તો એવા સમયમાં તમારે ખાતરી કરવી જોઈએ કે ટ્રાફિક પોલીસ વિભાગ દ્વારા તમારા લાયસન્સ જપ્ત કર્યાની માન્ય રસીદ આપવામાં આવે. 

અન્ય અધિકારો
આ સતહે જ તમને જણાવી દઈએ કે પોલીસ અધિકારી તમને વાહનમાંથી બહાર નીકળવા માટે જોર કરી શકે નહીં અને બળપૂર્વક વાહનમાંથી ચાવી કાઢીને તેને લોક કરી શકે નહીં. આ સાથે જ જો તમને લાગે કે ટ્રાફિક પોલીસ તમારી સાથે યોગ્ય રીતે વર્તન નથી કરતો અથવા તમને હેરાન કરવામાં આવી રહ્યો છે, તો તમે આ ઘટના અંગે ઓનલાઈન અથવા નજીકના પોલીસ સ્ટેશનમાં ફરિયાદ નોંધાવી શકો છો.