- ભારત-પાકિસ્તાન વચ્ચે બળાબળના પારખા
- ...તો પાકિસ્તાનને કેટલા રનનો ટાર્ગેટ મળશે?
- પાકિસ્તાનને 156 રન બનાવવા ફરજિયાત
એશિયા કપ 2023 મા આજે ભારત-પાકિસ્તાન વચ્ચે બળાબળના પારખા થઇ રહ્યા છે. જોકે વરસાદ વેરી બનતા ક્રિકેટ રસિકોની મજા બગડી છે. રિઝર્વ ડે ને પગલે આજે સુપર-4માં ભારત અને પાકિસ્તાન વચ્ચે મેગા મેચ કોલંબોના આર પ્રેમદાસા સ્ટેડિયમમાં ખેલાઈ રહી છે. ગઈકાલે 10 સપ્ટેમ્બરના રોજ વરસાદના કારણે મેચ અટકાવી દેવામા આવી હતી અને રિઝર્વ ડેમાં આજે પાકિસ્તાનની ટીમની 11 ઓવર પૂરા થતાની સાથે જ વરસાદે બાધા ઉભી કરી હતી. વરસાદ આવે તે પહેલાના પાકિસ્તાનના સ્કોરની વાત કરવામાં આવે તો પાકિસ્તાની ટીમેં બે વિકેટે 44 રન બનાવ્યા હતા.
પાકિસ્તાની ઈનિંગ્સ 20 ઓવર સુધી પહોંચી નથી
હવે વરસાદને લીધે જો પાકિસ્તાનનો દાવ ટૂંકો કરવામાં આવે તો ડકવર્થ અને લુઈસ નિયમ હેઠળ તેને કેટલો ટાર્ગેટ મળશે? મહત્વનું છે કે વન ડે ઈન્ટરનેશનલમાં મેચની હારજીત અંગેના પરિણામના આંક સુધી પહોંચવા માટે ઓછામાં ઓછી 20-20 ઓવરનો મેચ રમવો જરૂરી હોય છે. આથી પરિણામ સુધી પહોંચવા પાકિસ્તાને 20 ઓવર તો રમવી ફરજિયાત છે. ભારત પોતાની તેની 50 ઓવર રમી લીધા બાદ હવે પાકિસ્તાની ઈનિંગ્સ 20 ઓવર સુધી પહોંચી નથી.
20 ઓવર પૂરી ન થાય તો બંને ટીમોને એક-એક પોઈન્ટ મળશે
જો 20 ઓવરનો મેચ થાય તો પાકિસ્તાને બાકીની 9 ઓવરમાં 156 રન બનાવવા ફરજિયાત છે. તે જ રીતે જો રમત 30 ઓવરની થાય તો પાકિસ્તાનને બાકીની 19 ઓવરમાં 223 રન બનાવવા પડશે. આથી ભારતીય ટીમનો જીત તરફ વધુ ઝુકાવ હોય તેવું દેખાઈ રહ્યું છે. જો પાકિસ્તાન ઇનિંગ્સની 20 ઓવર પૂરી ન થાય તો બંને ટીમોને એક-એક પોઈન્ટ મળશે.
