- રણબીર કપૂરની ફિલ્મ એનિમલ બોક્સઓફિસ પર ધૂમ મચાવી રહી છે
- તૃપ્તિ ડિમરી અને રણબીર કપૂરના ઇન્ટિમેન્ટ સીનની પણ ખૂબ ચર્ચા થઈ રહી છે
- ફિલ્મમાં કિસ અને ઇન્ટિમેન્ટ સીન આપવા પર લોકો અભિનેત્રીને ટ્રોલ કરી રહ્યા છે
રણબીર કપૂર અને બોબો દેઓલની ફિલ્મ 'એનિમલ' હાલ બોક્સઓફિસ પર ધૂમ મચાવી રહી છે. સંદીપ રેડ્ડી વાંગની સૌથી ધમાકેદાર ઓપનિંગ કરનાર આ ફિલ્મે જે કમાલ બતાવી છે તેના કારણે બૉલીવુડના ઇતિહાસમાં આ ફિલ્મનું નામ લખાઈ ગયું છે. એક એવી ફિલ્મ જેને સેન્સર બોર્ડ તરફથી એડલ્ટ સર્ટિફિકેટ મળ્યું છે એમ છતાં આ ફિલ્મ દેશ અને દુનિયામાં બમ્પર કમાણી કરી રહી છે.
ફિલ્મમાં રણબીર કપૂરના લુક અને એક્ટિંગના જોરદાર વખાણ થઈ રહ્યા છે તો બીજી તરફ અભિનેત્રી તૃપ્તિ ડિમરી અને રણબીર કપૂરના ઇન્ટિમેન્ટ સીનની પણ ખૂબ ચર્ચા થઈ રહી છે. સાથે જ ઘણા લોકો એવાં પણ છે જે ફિલ્મમાં કિસ અને ઇન્ટિમેન્ટ સીન આપવા પર અભિનેત્રીને ટ્રોલ કરી રહ્યા છે. એવામાં હવે અભિનેત્રીએ ટ્રોલ કરનાર લોકોને જોરદાર જવાબ આપ્યો છે.
એક વાતચીત દરમિયાન તૃપ્તિ ડિમરી કહ્યું કે 'હું ખુશ છું કે લોકોએ મને આટલો પ્રેમ આપ્યો છે. 90 ટકા લોકોએ વખાણ કર્યા છે. 10 ટકા લોકો ટીકા કરી રહ્યા છે. હું મારી સ્વતંત્ર ઇચ્છાથી ફિલ્મ લાઇનમાં આવી છું મને કોઈએ દબાણ કર્યું નથી. હું એક અભિનેત્રી છું અને દરેક પ્રકારના રોલ કરવા માંગુ છું. મને આ પ્રકારના રોલ નિભાવવામાં કોઈ સમસ્યા નહતી અને મારી આસપાસના લોકોને પણ કોઈ પ્રોબ્લેમ નહતો. મેં કંઈ ખોટું કર્યું નથી અને ભવિષ્યમાં પણ આવી ભૂમિકાઓ કરતી રહીશ.'
આગળ અભિનેત્રીએ એમ પણ કહ્યું કે, ' સીન શૂટ કરતી વખતે માત્ર હું, રણબીર કપૂર, સંદીપ રેડ્ડી વાંગા અને ડીઓપી ત્યાં હાજર હતા. તે સમયે સેટ પર કોઈ વ્યક્તિ એવી ન હતી જેની જરૂર ન હોય અને આ બધા લોકોએ ખૂબ જ સરળતાથી આ સીન શૂટ કર્યો હતો. દર પાંચ મિનિટે પણ મને પૂછવામાં આવતું હતું કે હું ઠીક છું અને મને કોઈ વસ્તુની જરૂર નથીને.'
સાથે જ તૃપ્તિ એમ પણ કહે છે કે 'લોકો માટે સવાલ ઉઠાવવો વાજબી છે. કારણ કે તેઓ નથી જાણતા કે સેટ પર ઈન્ટીમેટ સીન કેવી રીતે શૂટ કરવામાં આવે છે. દરેક વ્યક્તિને તેમના અભિપ્રાયનો અધિકાર છે.' આગળ તેણે કહ્યું કે, 'મને સીન શૂટ કરવામાં કોઈ સમસ્યાનો સામનો કરવો પડ્યો નથી અને તે બધું ખૂબ જ આરામદાયક હતું.' નોંધનીય છે કે તૃપ્તિએ એનિમલમાં નાના રોલથી બધાનું દિલ જીતી લીધું છે. લોકોએ નેશનલ ક્રશનું ટેગ પણ આપ્યું છે.
