મેઘાડંબર / ગુજરાતનું વાતાવરણ અચાનક પલટાયું, 45થી 60 કિ.મી.ની ઝડપે ફૂંકાશે પવન, માછીમારોને દરિયો ન ખેડવા સૂચના, જાણી લો આગાહી

• દક્ષિણ ગુજરાતમાં આગામી 24 કલાકમાં ભારેથી અતિભારે વરસાદની આગાહી
• વલસાડ, નવસારી, દમણ અને દાદરા નગર હવેલીમાં પડી શકે અતિભારે વરસાદ
• આવતીકાલે સાબરકાંઠા અને અરવલ્લીમાં પડી શકે છે ભારે વરસાદ

હવામાન વિભાગ દ્વારા વધુ એક વખત વરસાદ મામલે આગાહી કરવામાં આવી છે. દક્ષિણ ગુજરાતમાં આગામી 24 કલાકમાં ભારેથી અતિભારે વરસાદની આગાહી કરાઈ છે. સાથે સાથે વલસાડ, નવસારી, દમણ અને દાદરા નગર હવેલીમાં પણ અતિભાર વરસાદની સંભાવના જોવા મળી રહી છે. 

સૌરાષ્ટ્રના જૂનાગઢ, અમરેલી અને ભાવનગરમાં ભારે વરસાદની આગાહી
હવામાન વિભાગના જણાવાયા અનુસાર આવતીકાલે સાબરકાંઠા અને અરવલ્લીમાં ભારે વરસાદ ત્રાટકી શકે છે. તો સૌરાષ્ટ્રના જૂનાગઢ, અમરેલી અને ભાવનગરમાં પણ મેઘાડંબર રહેશે. આવતીકાલે દક્ષિણ ગુજરાતના કેટલાક જિલ્લામાં અતિભારે વરસાદ પડશે. ગાજવીજ અને તોફાની પવન સાથે 28 જુલાઈએ નવસારી, વલસાડ, દમણમાં અતિભારે વરસાદ પડશે.

45થી 60 કિ.મી. પ્રતિ કલાકની ઝડપે પવન ફૂંકાંઈ તેવા અણસાર
સુરત, ડાંગ અને તાપી જિલ્લામાં વરસાદની શક્યતાને લઈને આગામી 5 દિવસ માછીમારોને પણ સલામતીના ભાગરૂપે દરિયો ન ખેડવા સૂચના આપી દેવામાં આવી છે..બીજી બાજુ હવામાન વિભાગ દ્વારા દરિયાકાંઠા વિસ્તારોમાં 45થી 60 કિ.મી. પ્રતિ કલાકની ઝડપે પવન ફૂંકાંઈ તેવા અણસાર પણ વ્યક્ત કરાયા છે. તો.અમદાવાદ અને ગાંધીનગરમાં છૂટા છવાયા વરસાદની આગાહી કરાઈ છે. નોંધનીય છે કે બે દિવસ અગાઉ જ હવામાન વિભાગ દ્વારા ગુજરાતભરમાં વરાપ નીકળે તેઓ અણસાર વ્યક્ત કરાઈ હતી. અને માત્ર છુટ્ટા છવાયા વરસાદ અંગે જ જણાવાયુ હતું. જોકે ત્યારબાદ વાતાવરણમાં એકાએક પલટો આવતા હવામાન વિભાગ દ્વારા ભારે વરસાદની આગાહી કરવામાં આવી છે.