- બાળકોને ઉનાળામાં નાકમાંથી લોહી નીકળવાની સમસ્યા.
- ઘરેલુ ઉપાયથી લોહી રોકી શકાય છે.
- લોહી વધારે નીકળે તો ડૉકટરનો સંપર્ક કરવો.
ગરમીમાં વધતા તાપમાનને કારણે બાળકોને નાકમાંથી લોહી નીકળવાની સમસ્યા થાય છે. જેને નકસીર (નાકોળી ફૂટવાની સમસ્યા) કહેવામાં આવે છે. બાળકોને જ્યારે આ પ્રકારની સમસ્યા થાય ત્યારે માતા પિતા ગભરાઈ જાય છે. લોહી વધારે નીકળે તો ડૉકટરનો સંપર્ક કરવો જોઈએ. લોહી બંધ ના થાય તો આ પરિસ્થિતિમાં કેટલાક ઘરેલુ ઉપાયથી લોહી રોકી શકાય છે. આ ઘરેલુ નુસ્ખા વિશે અહીંયા વિગતવાર જાણકારી આપવામાં આવી છે.
નાકમાંથી લોહી રોકવાના ઉપાય
- નાકમાંથી લોહી નીકળે તો હળવા હાથે નાક બંધ કરી લો અને બાળકને મોઢાથી શ્વાસ લેવા માટે કહો. આ પ્રકારે નાકમાંથી લોહ નીકળતું બંધ થઈ જશે.
- ગરમીમાં બાળકના નાકમાંથી લોહી નીકળે તો એક સુતરાઉ કાપડને ભીનું કરી લો અને નીચોવીને બાળકા માથા અને નાક પાસે રાખો. બરફથી પણ લોહી સુકાઈ જાય છે અને લોહી નીકળતું નથી.
- નાકમાંથી લોહી નીકળે તો ડુંગળીનો ઉપયોગ કરી શકો છો. ડુંગળીનો રસ કાઢી લો અને કોટનના બોલ ડુબાડીને તે જગ્યા પર રાખો. ડુંગળીના ટુકડા નાક પાસે લઈને તેની ગંધ લેવી. ડુંગળીની ગંધથી બ્લડ ક્લોટિંગમાં મદદરૂપ થાય છે.
- સફરજનના રસને કોટન બૉલમાં લગાવીને નાકમાં રાખો. 4-5 મિનિટ સુધી રાખી મુકો. આ પ્રકારે એસિડ રક્તવાહિકાઓને સંકુચિત થવામાં મદદરૂપ થાય છે અને લોહી નીકળવાનું બંધ થઈ જશે.
- નાકના અંદરના ભાગમાં પેટ્રોલિયમ જેલીનો ઉપયોગ કરી શકાય છે. આ પ્રકારે શ્વસનમાર્ગ નરમ રહેશે અને લોહી નીકળવાની સમસ્યાથી રાહત મળશે.
- બાળકોને ગરમીમાં વારંવાર નાકમાંથી લોહી નીકળી રહ્યું છે તો તમે વિટામીન ‘સી’ની મદદથી પણ ઠીક કરી શકાય છે. વિટામીન ‘સી’ નસોને મજબૂત કરે છે. બાળકોની ડાયટમાં વિટામીન ‘સી’યુક્ત ફળ અને શાકભાજી શામેલ કરો.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
