હેલ્થ કેર ટિપ્સ / હવે ડાયાબિટીસના દર્દી પણ દિવાળીમાં મોજથી માણી શકશે મીઠાઇનો આનંદ, બસ ફૉલો કરો આ ટિપ્સ

• ડાયાબિટીસના દર્દીઓ પણ ખાઈ શકશે મીઠાઈ
• દિવાળીમાં આ રીતે રાખો હેલ્થનું ધ્યાન 
• બસ ફૉલો કરો આ ટિપ્સ

ફેસ્ટિવ સીઝનમાં દરેક ઘરમાં મીઠાઈ અને પકવાન બને છે. મીઠાઈઓમાં ખાસ કરીને ચકરી, ઘુઘરા, લાડવા વગેરે તૈયાર કરવામાં આવે છે. તહેવાર વખતે લોકો ખૂબ મીઠાઈ ખાય છે. પરંતુ ડાયાબિટીસના દર્દીઓ માટે મીઠાઈ વધારે સારી નથી. એવામાં અમે તમને અમુક એવી ટિપ્સ જણાવીશું કે જેના મદદથી તમે દિવાળીમાં મીઠાઈનો આનંદ લઈ શકો છો અને સુગર પણ કંટ્રોલમાં રહેશે. 

સવારની શરૂઆત આ રીતે કરો 
જો તમે સવારની શરૂઆત હેલ્ધી વસ્તુઓથી કરશો તો તમને દિવસભર તેનો ફાયદો મળશે. માટે આ દિવસે શરૂઆત એટલે કે બ્રેકફાસ્ટમાં હોલ ગ્રેઈન્સ, ફ્રૂટ્સ અને શાકભાજી ખાઓ. 

એકસરસાઈઝ કરો 
રોજ એક્સરસાઈઝ કે યોગ કરવા ખૂબ જ ફાયદાકારક માનવામાં આવે છે. તેનાથી શુગર લેવલ તો કંટ્રોલમાં રહે જ છે સાથે જ સ્વાસ્થ્ય પણ સારૂ રહે છે. માટે રોજ ફિઝિકલ એક્ટિવિટી જરૂર કરો. તેનાથી બ્લડ શુગર લેવલને કંટ્રોલમાં રાખી શકાય છે. 

પોર્શન કંટ્રોલ 
જો હેલ્ધી રહેવું છે તો હંમેશા પોર્શન કંટ્રોલ કરો એટલે કે જ્યારે તમારી સામે કોઈ ટેસ્ટી ડિશ આવે તો તેને મર્યાદિત પ્રમાણમાં ખાઓ. તેનાથી અચાનક તમારૂ શુગર લેવલ નહીં વધે.  

ઓછી કેલેરી વાળું ભોજન 
તહેવારમાં મોટાભાગના ઘરોમાં પુરી, પનીર વગેરે જેવી વસ્તુઓ ખાવામાં આવે છે. તેનાથી તમારા સ્વાસ્થ્ય પર અસર પડશે. પ્રયત્ન કરો કે તળેલી વસ્તુઓની જગ્યા પર બેક, ગ્રિલ જેવી વસ્તુઓ ખાઈ શકો.