બોટાદ / 1 વિઘા જમીનમાં 50 મણ કપાસ: ગુજરાતના ખેડૂતની કમાલ, આ પધ્ધતિ વાપરી મેળવ્યું બમણું ઉત્પાદન, લાખોનો નફો

• હડતાળા ગામમાં ઓર્ગેનિક ખેતી
• કપાસના પાકમાં ઓર્ગેનિક ખેતી
• 1 વિધા જમીનમાં 50 મણ કપાસનું ઉત્પાદન

બોટાદના હડતાળા ગામના ખેડૂત હસમુખ ગાબાણી ઓર્ગેનિક ખેતી કરીને અન્ય ખેડૂતો માટે પ્રેરણારૂપ બન્યા છે. હસમુખ ગાબાણીએ કપાસની ખેતી ઓર્ગેનિક રીતે કરી હતી. જેમાં 1 વિઘા જમીનમાં હસમુખભાઈને કપાસનું 50 મણ ઉત્પાદન થયું છે. જેથી ખેડૂત આગેવાન પણ ઓર્ગેનિક ખેતી તરફ વળવા અન્ય ખેડૂતોને પ્રોત્સાહિત કરી રહ્યા છે. ઉલ્લેખનીય છે કે, રાજ્યપાલ આચાર્ય દેવવ્રત પણ ખેડૂતોને ઓર્ગેનિક ખેતી કરવા માટે પ્રોત્સાહિત કરી રહ્યા છે.

પ્રાકૃતિક ખેતીનો ફાયદો મેળવ્યો
ગુજરાતના રાજ્યપાલ પ્રાકૃતિક ખેતી તરફ ખેડૂતોને આગળ ધપાવવા અને ખેતીને બચાવવા માટે જે પ્રયાસ કરી રહી છે એવા રાજ્યપાલના પ્રયાસોને સાર્થક કરતા બોટાદ જિલ્લાના ખેડૂતે કપાસની ખેતીમાં ઉત્તમ ઉદાહરણ પૂરું પાડી ખેડુતો માટે મિસાલ બન્યા છે. અડતાળા ગામના યુવાન ખેડુતે એક વીઘે 50 મણ કપાસનો ઉતારો મેળવી પ્રાકૃતિક ખેતીનો ફાયદો મેળવ્યો છે.

ખેતીમાં સફળતા મળી
બોટાદ જિલ્લાના ગઢડા તાલુકાના હડતાળા ગામના હસમુખભાઈ ગાબાણીએ પ્રાકૃતિક ખેતી અપનાવીને રાસાયણિક ખાતરનો ઉપયોગ કર્યા વગર કપાસની ખેતીમાં દોઢ ઘણા કરતા પણ વધુ ઉત્પાદન મેળવી કપાસની ખેતીમાં ફાયદો મેળવ્યો છે સામાન્ય રીતે રાસાયણિક ખેતી દ્વારા એક વીઘે કપાસના પાકમાં 30 મણ જેવો ઉતારો આવતો હોય છે પરંતુ હસમુખભાઈ ગાબાણીએ રાસાયણિક ખાતરોનો ઉપયોગ ન કરીને પ્રાકૃતિક ખેતીને પ્રાધાન્ય આપ્યું અને તેમાં સફળતા મળી અને એક વીઘે 50 મણ જેવો કપાસનો ઉતારો આવતા રાસાયણિક ખેતી કરતાં ખેડૂતો માટે પ્રાકૃતિક ખેતી હસમુખભાઈ ગાબાણીએ મહત્વની સાબિત કરી બતાવી છે

ખેડૂત મિત્રએ જણાવ્યું કે, લોકો રાસાયણિક ખાતરનો ઉપયોગ કરતા હોય છે પરંતુ મેં એ ખાતરનો ઉપયોગ નથી કર્યો અને તેની જગ્યાએ ઓર્ગોનિક ખાતરો વાપર્યા છે અને એમોનિયમ,સલ્ફેટનો પણ બિલકુલ ઉપયોગ નથી કર્યો તેની જગ્યા એ N.P.Kના બેક્ટરિયા અને અન્ય સાત જાતની ફૂગ વાપરી છે તેના કારણે આ પરિણામ મળ્યું છે.