- અલ્હાબાદ HCએ જ્ઞાનવાપી મામલે આપ્યો મોટો નિર્ણય
- પરિસરમાં મળી આવેલા શિવલિંગની કાર્બન ડેટિંગ કરવાની આપી પરવાનગી
- કહ્યું કોઈપણ પ્રકારનું નુક્સાન કર્યાં વિના કરી શકાશે તપાસ
વારાણસીમાં જ્ઞાનવાપી મસ્જિદનાં મામલામાં અલ્હાબાદ હાઈકોર્ટે મોટો નિર્ણય આપ્યો છે. HCએ ASI ભારતીય પુરાત્તવ સર્વેક્ષણને કેમ્પસમાં મળી આવેલ શિવલિંગની કાર્બન ડેટિંગ કરવાની પરવાનગી આપી દીધી છે. જો કે સ્ટ્રક્ચરમાં કોઈપણ પ્રકારનું નુક્સાન ન પહોંચે તેવા આદેશો પણ આપવામાં આવ્યાં છે.અલ્હાબાદ હાઈકોર્ટે જ્ઞાનવાપી પરિસરમાં સર્વે દરમિયાન મળી આવેલા શિવલિંગની કાર્બન ડેટિંગ તપાસ અને સાયન્ટેફિરક સર્વેની માંગ કરતી અરજી સ્વીકારી લીધી છે અને ASIને કોઈપણ પ્રકારનું નુક્સાન પહોંચાડ્યાં વિના શિવલિંગની કાર્બનડેટિંગ તપાસ કરવાનાં આદેશ આપ્યાં છે.
વારાણસી જિલ્લા કોર્ટે ફગાવી હતી અરજી
આ પહેલા વારાણસીની જિલ્લા કોર્ટે કાર્બન ડેટિંગની માંગ કરતી અરજીને ફગાવી દીધી હતી. ગતવર્ષે જ્ઞાનવાપી પરિસરમાં કમીશનની કાર્યવાહી કરવામાં આવી હતી જેમાં 16 મે 2022નાં રોજ કેમ્પસમાં કથિત ધોરણે શિવલિંગ મળી આવ્યું હતું. આ શિવલિંગનું ASIથી સાઈન્ટિફિક સર્વે કરાવવાની માંગને લઈને અરજી દાખલ કરવામાં આવી હતી.
હાઇકોર્ટે પૂછ્યું હતું, નુકસાન પહોંચાડ્યા વગર કાર્બન ડેટિંગ કરી શકાશે?
નોંધનીય છે કે આ જ અરજી પર રાજ્ય સરકાર તરફથી પણ પક્ષ રાખવામાં આવ્યો હતો, કોર્ટે કેન્દ્ર સરકારના અધિવક્તાને સવાલ કર્યો હતો કે શિવલિંગને નુકસાન પહોંચાડ્યા વગર શું કાર્બન ડેટિંગ કરી શકાશે?
કાર્બન ડેટિંગની મદદથી શિવલિંગ કેટલા વર્ષ જૂનું છે તેની જાણકારી મળી શકશે. હાઇકોર્ટના સવાલ પર ASIએ કહ્યું હતું કે હા, નુકસાન પહોંચાડ્યા વગર કાર્બન ડેટિંગ શક્ય છે.
SCએ શું આદેશ આપ્યા હતા?
નોંધનીય છે કે જ્ઞાનવાપી પરિસરમાં કમિશન કાર્યવાહી કરવામાં આવી ત્યારે 16 મે 2022ના રોજ પરિસરની અંદર જ શિવલિંગ જેવુ સ્થાપત્ય મળી આવ્યું જેમાં હિન્દુ પક્ષ દ્વારા દાવો કરવામાં આવ્યો કે આ શિવલિંગ જ છે. જે બાદ તપાસને લઈને માંગ કરવામાં આવી, જોકે સુપ્રીમ કોર્ટે તે સમયે યથાસ્થિતિને યથાવત રાખવા માટેનો આદેશ આપ્યો હતો. હાલ આ કેસમાં સુપ્રીમ કોર્ટ સુનાવણી પણ કરી રહી છે.
કાર્બન ડેટિંગ એટલે શું?
કોઈ પણ અવશેષની કાર્બન ડેટિંગ કરી શકાય છે, જેમ કે હાડકાં, લાકડું, કોલસો વગેરે. કાર્બન ડેટિંગની મદદથી જે તે વસ્તુ કેટલા વર્ષ જૂની છે તે જાણી શકાય છે.
