જ્યોતિષ શાસ્ત્ર / Guruwar Upay: ગુરૂવારના દિવસે ભૂલથી પણ ન કરતા આ 5 કાર્યો, નહીં તો હેલ્થથી લઇને ધન-સંપત્તિને થશે ભારે નુકસાન

• ગુરૂવારના દિવસે ન કરો આ 5 કાર્યો 
• નહીં તો બગડી શકે છે સ્વાસ્થ્ય
• ધન-સંપત્તિને થશે ભારે નુકસાન

આજે ગુરૂવાર છે આ દિવસ ભગવાન વિષ્ણુને સમર્પિત માનવામાં આવે છે. ધાર્મિક રીતે આ દિવસ ખૂબ જ શુભ માનવામાં આવે છે અને આ દિવસે વ્રત કરીને ભગવાન વિષ્ણુ અને માતા લક્ષ્મીની પૂજા કરવાથી લોકોની સમસ્યાઓ દૂર થઈ જાય છે. 

જ્યોતિષ અનુસાર ગુરૂવારના દિવસે અમુક કામ કરવામાં નથી આવતા. જો તમે ગુરૂવારે આ કામ કરો છો તો તેનાથી લક્ષ્મીજી અને બૃહસ્પતિ નારાજ થઈ શકે છે અને જીવનમાં સમસ્યાઓ આવી શકે છે.  

ગુરૂવારે ન કરવા જોઈએ આ 5 કામ 

વાળ ન કાપો 
જ્યોતિષ અનુસાર ગુરૂવારના દિવસે લોકોને વાળ ન કપાવવા જોઈએ. આ દિવસે માથા અને દાઢીના વાળ ન કાપવા જોઈએ. આમ કરવાથી સ્વાસ્થ્ય પર ખરાબ અસર થઈ શકે છે અને સંતાન સુખમાં સમસ્યા આવી શકે છે. મહિલાઓને ગુરૂવારના દિવસે વાળ ન ધોવા જોઈએ અને સાબુ શેમ્પુનો ઉપયોગ ન કરવો જોઈએ. આજના દિવસે નખ પણ ન કાપવા જોઈએ. 

કેળાનું સેવન ન કરો 
ગુરૂવારના દિવસે કેળાનું સેવન ન કરવું જોઈએ. ગુરૂવારના દિવસે જો તમે બૃહસ્પતિ અને ભગવાન વિષ્ણુની પૂજ કરો છો તો કેળાનું સેવન ભુલથી પણ ન કરો. આ દિવસે કેળાના ઝાડની પૂજાનું ખાસ મહત્વ છે. આ દિવસે કેળુ ખાવાથી તમારી ધન-સંપત્તિને નુકસાન થઈ શકે છે અને તમને જીવનમાં મુશ્કેલીઓનો સામનો કરવો પડી શકે છે. 

ઘરમાં ન લગાવો પોતુ 
જ્યોતિષ અનુસાર ગુરૂવારના દિવસે ઘરમાં પોતુ કરવું અને જાળા સાફ કરવા અશુભ માનવામાં આવે છે. ગુરૂવારના દિવસે કપડા ધોવા, પોતુ કરવાથી કુંડળીમાં ગુરૂની સ્થિતિ પર ખરાબ અસર પડે છે અને માતા લક્ષ્મી નારાજ થઈ શકે છે. તેનાથી તમને શારીરિક અને આર્થિક રીતે મુશ્કેલીઓનો સામનો કરવો પડી શકે છે. 

પૈસાની લેવડ દેવડ 
જ્યોતિષ આચાર્ય અનુસાર ગુરૂવારના દિવસે પૈસાની લેવડ દેવડ ન કરો. આમ કરવાથી કુંડળીમાં ગુરૂ કમજોર થઈ જાય છે અને આર્થિક સ્થિતિ નબળી પડે છે. આમ કરવાથી ધન સંબંધી મુશ્કેલીઓ પણ વધે છે અને તમારા પ્રગતિમાં મુશ્કેલી આવી શકે છે. એવામાં પૈસાની લેવડ-દેવડ સમજી વિચારીને કરો. 

ગુરૂનું અપમાન 
ગુરૂવારના દિવસે અજાણતા પણ પિતા, ગુરૂ કે કોઈ સાધુ સંતોનું અપમાન ન કરો. આ બધા દેવતાઓના ગુરૂ બૃહસ્પતિનું પ્રતિનિધિત્વ કરે છે. માટે તેમનું અપમાન કરવાથી બૃહસ્પતિ નારાજ થઈ જાય છે અને વ્યક્તિને અલગ અલગ પ્રકારના કષ્ટ આવી શકે છે.