BIG NEWS / UKના સ્ટુડન્ટ વિઝા લેવા માંગતા ગુજરાતીઓ ખાસ જાણી લેજો: લાગુ થઈ ગયો કડક નિયમ

• વિદેશ ભણવા જતાં લોકો માટે મોટા સમાચાર સામે આવ્યા છે. 
• યુકે ભણવા જતાં વિદ્યાર્થીઓ તેમના પરિવારને બ્રિટનમાં લાવી શકશે નહીં.
• યુકેમાં કામ કરવા માટે સ્ટુડન્ટ વિઝાનો ઉપયોગ કરતા લોકો પર કડક કાર્યવાહી. 

વિદેશ ભણવા જતાં અને જવાનું વિચારી રહેલ લોકો માટે મોટા સમાચાર સામે આવ્યા છે. બ્રિટન એટલે કે યુકેની યુનિવર્સિટીઓમાં અભ્યાસક્રમો શરૂ કરનાર ભારતીય સહિત વિદેશી વિદ્યાર્થીઓ હવે તેમના પરિવારના સભ્યોને બ્રિટનમાં લાવી શકશે નહીં. 

From today, the majority of foreign university students cannot bring family members to the UK.

In 2024, we’re already delivering for the British people. https://t.co/m0TcSaxK9V

— Rishi Sunak (@RishiSunak) January 1, 2024

બ્રિટિશ સરકારના આ પગલાનો ઉદ્દેશ્ય યુકેમાં કામ કરવા માટે બેકડોર તરીકે સ્ટુડન્ટ વિઝાનો ઉપયોગ કરતા લોકો પર કડક કાર્યવાહી કરવાનો છે. જણાવી દઈએ કે આ કડક નિયમોના કારણે અંદાજે 140,000 ઓછા લોકો બ્રિટન આવશે. આ નિયમ સરકાર દ્વારા ભંડોળ પૂરું પાડવામાં આવેલ શિષ્યવૃત્તિ અભ્યાસક્રમો અને યુકેના વિઝા ધોરણો હેઠળ અનુસ્નાતક સંશોધન અભ્યાસક્રમો સિવાયના તમામને સોમવારથી લાગુ થશે.

વાંચવા જેવુ: અમેરિકામાં રહેતા ભારતીયો માટે ખુશીના સમાચાર, હવે મળશે આ મોટો ફાયદો, ખિસ્સા છલકાઈ જશે

બ્રિટનના ગૃહ મંત્રી જેમ્સ ક્લેવરલીએ વિદેશી વિદ્યાર્થીઓને આશ્રિતોને લાવવાની આ પ્રથાને 'ખોટી પ્રથા' ગણાવી હતી તે પછી આ કડક નિયમોને ઘટાડા તરીકે જોવામાં આવી રહ્યા છે. સત્તાવાર આંકડા દર્શાવે છે કે 2019 થી આશ્રિતોને લાવવામાં આવતા વિદેશી વિદ્યાર્થીઓના દરમાં 930 ટકાથી વધુનો વધારો થયો છે.

તેમણે કહ્યું કે આનાથી સ્થળાંતર કરનારાઓની સંખ્યામાં ઝડપથી ઘટાડો થશે અને ત્રણ લાખ લોકોને બ્રિટન આવતા રોકવાની અમારી વ્યૂહરચના કરવામાં મદદ મળશે. બ્રિટનની ઓફિસ ફોર નેશનલ સ્ટેટિસ્ટિક્સ (ONS) એ જણાવ્યું હતું કે સપ્ટેમ્બર 2023માં પૂરા થયેલા વર્ષમાં વિદ્યાર્થીઓના આશ્રિતોને 152,980 વિઝા આપવામાં આવ્યા હતા, જ્યારે સપ્ટેમ્બર 2019 સુધીના વર્ષમાં માત્ર 14,839 વિઝા હતા.