ગાંધીનગર / BIG NEWS: રાજ્ય સરકારમાં મોટા ફેરફાર, 2 મંત્રીઓ પાસેથી પરત લેવાયા ખાતા, જાણો કોને સોંપાયા

• રાજ્ય સરકારમાં મોટો બદલાવ 
• બે કેબિનેટ મંત્રીઓના ખાતાઓ બદલાયા
• કેબિનેટ મંત્રાલયનો ચાર્જ મુખ્યમંત્રી પાસે રહેશે

એક તરફ ગુજરાત વિધાનસભાની ચૂંટણીની તૈયારીઓ પૂરજોશમાં ચાલી રહી છે તો બીજી તરફ ગુજરાત સરકારમાં બે મંત્રીઓનાં ખાતામાં ફેરબદલ કરવામાં આવ્યો છે. આ ફેરબદલને લઈને ઘણી અટકળો શરૂ થઈ છે. ચૂંટણી નજીક આવી રહી છે ત્યારે બે મંત્રીઓ પાસેથી ખાતા લઈને બીજા મંત્રીઓને સોંપવામાં આવ્યા છે. તો બીજી તરફ અમિત શાહ ગઇકાલે ગુજરાતની મુલાકાતે આવ્યા હતા અને આજે મંત્રીમંડળમાં ફેરફારો થયા છે.

બે કેબિનેટ મંત્રીઓના ખાતાઓ બદલાયા

ગુજરાત સરકારમાં ચૂંટણી પહેલા મોટા ફેરફાર કરાયા છે. રાજ્ય સરકારના 2 મંત્રીઓ પાસેથી ખાતા પરત લેવામાં આવ્યા છે. જેમાં રાજેન્દ્ર ત્રિવેદી પાસેથી મહેસુલ ખાતું પરત લેવાયું. જે હવે હર્ષ સંઘવીને મહેસુલ ખાતુ સોંપવામા આવ્યું છે. તો પૂર્ણેશ મોદી પાસેથી માર્ગ અને મકાન પરત લેવાયો છે. જગદીશ પંચાલને માર્ગ અને મકાન વિભાગ સોંપાયો છે.

ગુજરાત સરકારના બે મંત્રીઓનાં ખાતામાં ફેરબદલ, રાજેન્દ્ર ત્રિવેદી પાસેથી લઈ હર્ષ સંઘવીને મહેસૂલ ખાતું સોંપાયું, માર્ગ મકાન વિભાગનું ખાતું પૂર્ણેશ્ મોદી પાસેથી લઈ જગદીશ પંચાલને સોંપાયુ@CMOGuj @sanghaviharsh #GujaratElections2022 #RajendraTrivedi #JagdishPanchal#PurneshModi pic.twitter.com/XJyYou0xmP

— VTV Gujarati News and Beyond (@VtvGujarati) August 20, 2022

મહત્વનું છે કે, મહેસૂલ મંત્રી તરીકે રાજેન્દ્ર ત્રિવેદી ઘણા ચર્ચામાં પણ રહી ચૂક્યા છે. તેઓ સરપ્રાઈઝ વિઝિટ લેવા માટે અને કામગીરી પર દેખરેખ માટે સ્વયં સરકારી ઑફિસોની મુલાકાત લેવા માટે સમાચારોમાં ચમક્યા હતા. પણ હાલ તો તેઓનું ખાતું રાજ્ય ગૃહમંત્રી હર્ષ સંઘવીને સોંપવામાં આવ્યું છે.