- ગુજરાત અને હિમાચલ પ્રદેશની ચૂંટણીને લઈને વધુ એક સર્વે
- ગુજરાતમાં ફરીથી ભાજપની સરકાર બનવાનો દાવો
- જોકે AAP ને પહેલી જ વારમાં સારી સીટો મળશે તેવો દાવો
બંને રાજ્યોમાં ભાજપનો ભગવો
હિમાચલ પ્રદેશમાં ચૂંટણીનું રણશિંગુ ફૂંકાઈ ગયું છે, ગુજરાતમાં તારીખો જાહેર નથી થઈ પણ માહોલ બરાબરનો જામી ગયો છે. ચૂંટણી આવે એટલે જેમ નેતાઓ અને સભાઓનો જાણે પર્વ આવ્યો હોય તેમ વિવિધ સર્વે અને પોલ પણ વધી ગયા છે, પહેલા ઓપીનિયન પોલ આવે અને મતદાન બાદ એગઝીટ પોલ. સર્વેના કારણે રાજકારણ પણ ગરમાતુ હોય છે અને જે તે પાર્ટીઓ સ્ટ્રેટેજી પણ એ પ્રમાણે નક્કી કરે છે.
ગુજરાતમાં ફરી રિપીટ થશે સરકાર: સર્વેમાં દાવો
એવામાં ગુજરાતની ચૂંટણીને લઈને વધુ એક સર્વે સામે આવી રહ્યો છે જેમાં વારંવાર સત્તા પરિવર્તનનો ગુજરાતનો ક્રમ જળવાઈ રહેશે તેવો દાવો કરવામાં આવી રહ્યો છે. ટાઈમ્સ નાઉ નવભારતના ઓપિનિયન પોલ અનુસાર ભાજપને ફરીથી પૂર્ણ બહુમત ગુજરાતમાં મળશે અને હિમાચલ પ્રદેશમાં પણ કમળ જ ખિલશે. નોંધનીય છે કે ગુજરાતમાં વર્ષોથી ભાજપની જ સરકાર રિપીટ થઈ રહી છે ત્યારે હિમાચલ પ્રદેશમાં ઊંધો ટ્રેન્ડ અત્યાર સુધી રહ્યો છે, અહીં દર પાંચ વર્ષે સરકાર બદલાઈ જાય છે. જોકે આ વખતે સરકાર રિપીટ થશે અને ટ્રેન તૂટશે તેવો દાવો સર્વેમાં કરવામાં આવી રહ્યો છે.
ગુજરાતનાં ઓપિનિયન પોલમાં કોને કેટલી સીટો મળવાનો દાવો
ભાજપ: 125થી 131 બેઠક
કોંગ્રેસ: 29થી 33 બેઠક
AAP: 18થી 22 બેઠક
હિમાચલ પ્રદેશના ઓપિનિયન પોલમાં કોને કેટલી સીટો મળવાનો દાવો
ભાજપ: 38થી 42 બેઠક
કોંગ્રેસ: 25થી 29 બેઠક
AA: 0થી 1 બેઠક
નોંધનીય છે કે સી વોટરના સર્વેમાં પણ હિમાચલ પ્રદેશમાં ભાજપની જીતનો દાવો કરવામાં આવી રહ્યો છે. સર્વે મુજબ ભાજપને રાજ્યમાં 38-46 બેઠકો મળવાની આશા છે. કોંગ્રેસને 20-28 અને આમ આદમી પાર્ટીને 0-1 બેઠકો મળવાની ધારણા છે. જ્યારે અન્યને 0-3 બેઠકો મળી રહી છે.
