ગુજરાતમાં જૂન મહિનામાં ચોમાસુ આવશે અને સામાન્ય રહેવાની શક્યતા છે તેમજ ગુજરાતમાં ચોમાસામાં 92% વરસાદ થઈ શકે છે
ગુજરાતમાં ચોમાસુ કેવું રહેશે?
ગુજરાતમાં ચોમાસામાં 92% વરસાદ થઈ શકે છે
આગામી બે-ત્રણ દિવસ વિવિધ વિસ્તારમાં વરસાદ થઈ શકે
જૂન મહિનો નજીક છે અને સાથે-સાથે ચોમાસાની દસ્તક અંગે પણ ચર્ચા શરૂ થઈ ગઈ છે. અમદાવાદમાં તો વરસાદે પણ IPLની મિની આવૃતિ કહેવાય એવી બેટિંગ કરી નાંખી. સામાન્ય સંજોગોમાં ગુજરાતમાં 15 જૂન આસપાસ ચોમાસુ આવતું હોય છે ત્યારે આ વર્ષે ગુજરાતમાં ચોમાસુ કયારે આવશે. અલનીનોની ગુજરાત કે દેશ ઉપર કોઈ અસર થશે કે નહીં.
હવામાન વિભાગની શું છે આગાહી?
ગુજરાતમાં જૂન મહિનામાં ચોમાસુ આવશે તેમજ ગુજરાતમાં સામાન્ય ચોમાસુ રહેવાની શક્યતા છે. ગુજરાતમાં ચોમાસામાં 92% વરસાદ થઈ શકે છે અને દેશમાં એકંદરે ચોમાસામાં 96% વરસાદ થઈ શકે છે. કેરળમાં 4 જૂન સુધીમાં નૈઋત્યનું ચોમાસુ આવી શકે છે અને ગુજરાતમાં જૂન મહિનામાં સામાન્યથી ઓછો વરસાદ રહી શકે છે. આગામી સમયમાં થન્ડર ક્લાઉડ એક્ટિવીટી જોવા મળી શકે છે. રાજ્યમાં આગામી બે-ત્રણ દિવસ વિવિધ વિસ્તારમાં વરસાદ થઈ શકે છે. કેન્દ્રિય હવામાન વિભાગના મતે અલનીનોની બહુ અસર નહીં વર્તાય.
'8 અને 9 જૂનની આસપાસ દરિયો તોફાની બની શકે છે'
અંબાલાલ પટેલે જણાવ્યું કે, 15 જૂન પહેલા ગુજરાતમાં દરિયામાં તોફાન સર્જાઈ શકે છે તેમજ 8 અને 9 જૂનની આસપાસ દરિયો તોફાની બની શકે છે અને 8 અને 9 જૂનની આસપાસ દરિયા કિનારે ભારે પવન સાથે વરસાદ આવી શકે છે. તેમણે કહ્યું કે, 22, 23, 24 જૂનની આસપાસ ગુજરાતમાં વરસાદ પડી શકે છે અને 4, 5, 6 જૂનના રોજ ગુજરાતમાં છુટાછવાયો વરસાદ પડી શકે છે. ગુજરાતમાં ચોમાસું સામાન્ય રહેવાની સંભાવના છે.