- ભરૂચના સાંસદ મનસુખ વસાવાની ઓડિયો ક્લિપ વાયરલ
- મોબાઈલ ટાવર બાબતે ટેલિફોનિક વાતચિતમાં વસાવા રોષે ભરાયા
- સાંસદ મનસુખ વસાવા અને સામાજિક અગ્રણી વચ્ચેની વાતચિત
- મોબાઈલ ટાવરને લઈ સામાજિક આગેવાને ફોન કર્યો હતો
- મનસુખ વસાવા-સામાજિક આગેવાનની ટેલીફોનિક વાતચીતની ઓડિયો વાયરલ
Mansukh Vasava Audio Clip : ભરૂચના સાંસદ મનસુખ વસાવાની એક કથિત ટેલિફોનિક વાતચીતની ઓડિયો ક્લિપ હાલ સોશિયલ મીડિયામાં વાયરલ થઈ રહી છે. આ વાયરલ ઓડિયો ક્લિપમાં સાંસદ કથિત રીતે એક વ્યક્તિને સામે અભદ્ર ભાષામાં વાત કરી રહ્યાનું સામે આવ્યું છે. જોકે VTV ન્યૂઝ આ વાયરલ ઓડિયો ક્લિપની કોઈપણ પ્રકારની પુષ્ટિ કરતું નથી. આ તરફ હવે ભાજપના દિગ્ગજ નેતાના નામે વાયરલ થયેલ આ ક્લિપને લઈ રાજકારણ ગરમાયું છે.
ભરૂચનું રાજકારણ દિવસેને દિવસે ગરમાઈ રહ્યું છે. પહેલા પણ અનેક વિવાદોની વચ્ચે હવે એક ઓડિયો ક્લિપે ચર્ચા જગાવી છે. વાત જાણે એમ છે કે, ભાજપના દિગ્ગજ નેતા અને ભરૂચના સાંસદ મનસુખ વસાવાના નામે એક ઓડિયો ક્લિપ વાયરલ થઈ રહી છે. જેમાં મોબાઈલ ટાવરને લઈ સામાજિક આગેવાને સાંસદને ફોન કર્યા બાદ ટેલિફોનિક વાતચીતમાં અભદ્ર ભાષાનો પ્રયોગ કરવામાં આવ્યો છે. જોકે VTV ન્યૂઝ આ વાયરલ ઓડિયો ક્લિપની કોઈપણ પ્રકારની પુષ્ટિ કરતું નથી.
શું છે વાયરલ ઓડિયો ક્લિપમાં ?
સોશિયલ મીડિયા પર વાયરલ એક ઓડિયો ક્લિપમાં કથિત રીતે મનસુખ વસાવા અને સામાજિક અગ્રણી વચ્ચેની વાતચીત છે. જેમાં ક્લિપની શરુઆતમાં જ કથિત રીતે સાંસદ કહી રહ્યા છે કે, તું બહુ હોશિયારી ના માર.. હું મારી રીતે મદદ કરું છું અને બધા જે અધિકારીને કહેવાનું છે તેને મારી રીતે કહું જ છું. તને એકલી ચિંતા નથી, અમને પણ ચિંતા છે. જે બાદમાં કહ્યું કે, તું શું સમજે છે તારા મનમાં ?.. તને પૂછીને મારે કરવાનું.. આમ આ પ્રકારની એક કથિત ઓડિયો ક્લિપ વાયરલ થતાં અનેક સવાલો ઊભા થઈ રહ્યા છે.
