- ભરતી પરીક્ષાને લઈને AAP નેતા યુવરાજસિંહનો ઘટસ્ફોટ
- કૌભાંડનું એપી સેન્ટર અરવલ્લી,બનાસકાંઠા અને સાબરકાંઠા
- એક જ સિકવન્સમાં એક સરખા માર્કસ હોવાથી કૌભાંડ થયું
- ઉર્જા વિભાગમાં રૂપિયા લઈ ઉમેદવારોને પાસ કરાયા- AAP નેતા યુવરાજસિંહ
ઉમેદવારો પાસેથી રૂપિયા લઈ તેમને સરકારી ખાતાઓમાં નોકરી અપાવવામાં આવે છે
ગુજરાતમાં ભરતીમાં મોટું કૌભાંડ સામે આવી રહ્યું છે. ત્યારે આમ આદમી પાર્ટીના વિદ્યાર્થી નેતા યુવરાજસિંહે એક પ્રેસ કોન્ફ્રન્સ કરી ભરતીની પરીક્ષામાં કૌભાંડના ગંભીર આરોપો લગાવ્યા છે. ઉમેદવારો પાસેથી રૂપિયા લઈ તેમને સરકારી ખાતાઓમાં નોકરી અપાવવામાં આવે છે, તેવો આક્ષેપ વિદ્યાર્થી નેતા યુવરાજસિંહે કર્યા છે. તેમણે જણાવ્યું હતું કે, છેલ્લા ત્રણ વર્ષથી ઉર્જા વિભાગમાં ભરતીઓમાં કૌભાંડ થઈ રહ્યું છે
ઉર્જા વિભાગની ભરતીમાં કૌભાંડ થયાના ગંભીર આરોપ લગાવ્યા
યુવરાજ સિંહે ઉર્જા વિભાગની PGVCL, DGVCL અને UGVCLની ભરતીની પરીક્ષામાં કૌભાંડ થયાના ગંભીર આરોપ લગાવતાં કહ્યું કે, આ કૌભાંડ એપી સેન્ટર સાબરકાંઠા, અરવલ્લી અને મહેસાણા છે. તેમણે ઉમેર્યુ કે, UGVCL જુનિયર આસિસન્ટન્ટમાં એક જ સિક્વંસ અને નંબર ધરાવતા લોકોને એક સરખા માર્ક મળ્યા છે. સાથે જ આ કૌભાંડમાં કોની સંડોવણી છે, તેઓનું નામ પણ તેણે આપ્યું છે. તેમણે જણાવ્યું કે ધનસુરાના શિક્ષક અને બાયડના અવધેશ પટેલની આ કૌભાંડમાં સંડોવણી છે. બાયડમાં ટ્યુશન ક્લાસ ચલાવતો અજય પટેલ કૌભાંડ ચલાવે છે.
એક જ ગામના 18 યુવાનોએ કૌભાંડ કરી સરકારી નોકરી મેળવી
આ કૌભાંડ દ્વારા કોને કોને લાભ લીધો છે, તેઓનું નામ પણ તેમણે લીધુ છે. ધવલ પટેલ, કૃશાંગ પટેલ, હિતેશ પટેલ, રજનીશ પટેલ, પ્રિયંક પટેલ, આંચલ પટેલ, પ્રદિપ પટેલ, બાબુ પટેલ, જીગીશા પટેલ, ધ્રુવ પટેલ ભરતી કૌભાંડનો લાભ લીધો છે, તેમ યુવરાજસિંહે જણાવ્યું છે. એક જ ગામના 18 યુવાનોએ કૌભાંડ કરી સરકારી નોકરી મેળવી છે. જ્યારે જેટકોની પરીક્ષામાં મિતુલ પટેલે ભરતી કૌભાંડનો લાભ લીધો છે.
યુવરાજસિંહે સ્પષ્ટતા કરી છે કે અમે સમગ્ર મુદ્દાને રાજકીય રંગ આપવા નથી માગતા.
ઉમેદવારો પાસેથી રૂપિયા લઈ તેઓની ભરતી કરવામાં આવે છે. શરૂઆતમાં ટોકન અને ત્યાર બાદ નોકરી મળતા પુરૂ કરાતુ હોવાનો આરોપ યુવરાજસિંહે લગાવ્યો છે. કૌભાંડ આચરનાર અને કૌભાંડ કરી રહેલા લોકોના પુરાવા હોવાનો યુવરાજસિંહે દાવો કર્યો છે. સાથે જ યુવરાજસિંહે સ્પષ્ટતા કરી છે કે અમે સમગ્ર મુદ્દાને રાજકીય રંગ આપવા નથી માગતા. આ સાથે વિદ્યાર્થી નેતા યુવરાજ સિંહે નિષ્પક્ષ તપાસની માંગ કરી છે. SITની રચના કરી તમામ સ્પાર્ધાત્મક પરીક્ષાઓની તપાસ કરવામાં આવે તેવી માંગ યુવરાજ સિંહે કરી છે.
યુવરાજસિંહનો આરોપ શું?
- 3 વર્ષમાં ઉર્જા વિભાગની ભરતીમાં ગેરરીતિ થઈ
- ઉર્જા વિભાગની પરીક્ષામાં કૌભાંડ થયો છે
- 352 જુનિયર એન્જિનિયરિંગની ભરતી ચાલી રહી છે
- ઉર્જા વિભાગની ભરતી કૌભાંડનું એપી સેન્ટર અરવલ્લી જિલ્લો છે
- પટેલ, ચૌધરી અને પ્રજાપતિ સમાજના ઉમેદવારોની સંડોવણી વધુ
- UGVCL, PGVCL, DGVCLમાં ગેરરીતિથી પાસ થયેલા ફરજ બજાવે છે
કૌભાંડમાં કોની સંડોવણીનો આરોપ?
- ગુજરાત ઉર્જા વિકાસ નિગમના અધિકારીઓની સંડોવણી
- GUVNLના ઉચ્ચ અધિકારી પ્રજાપતિ છે
- કૌભાંડીઓ સેન્ટ્રલ રૂમથી PC ઓપરેટ કરે છે
- કુલ 11 વિદ્યાર્થીઓ કૌભાંડમાં સંડોવાયેલા છે
- ધવલ પટેલ, કૃશાંગ પટેલ, રજનીશ પટેલ, આંચલ પટેલ પર આરોપ
- રાહુલ પટેલ, પ્રદીપ પટેલ, ધ્રુવ પટેલ ગેરરીતિથી પાસ થયા
- બાબુ પટેલ, જીગીશા પટેલ પર ગેરરીતિથી પાસ થય
