- ADRએ ગુજરાતના ધારાસભ્યોનો રિપોર્ટ જાહેર કર્યો
- ધારાસભ્ય ગ્રાન્ટનાં 333 કરોડ રુપિયા વાપરી ન શક્યા
- 33 ટકા રકમમાં પ્રજાના કામ વગર પડી રહી
ADRએ ગ્રાન્ટની કામગીરી અને વિધાનસભાની કામગીરીનો રિપોર્ટ જાહેર કર્યો છે. ગુજરાતના ધારાસભ્ય ગ્રાન્ટનાં 333 કરોડ રુપિયા વાપરી ન શક્યા. ચાર વર્ષમાં કુલ 1004 કરોડ રૂપિયા ધારાસભ્યને ફળવાયા હતા. મંજૂર કરેલી રકમમાંથી 33 ટકા રકમમાં પ્રજાના કામ વગર પડી રહી. પ્રજાના કામ કરવા માટે ધારાસભ્યને વર્ષે 1.5 કરોડ રુપિયા મળે છે. ધારાસભ્યના મંજૂર થયેલા 53 હજાર કામમાં 40 હજાર કામ જ થયા છે.
ધારાસભ્યની કામગીરીની ગતિમાં પણ ચોંકાવનારો રિપોર્ટ
તો ADRના રિપોર્ટમાં આદિવાસી વિસ્તારમાં ધીમી કામગીરી સામે આવી છે. આદિવાસી વિસ્તારમાં 252 કરોડની ગ્રાન્ટમાંથી 177 કરોડનાં જ કામ થયા છે. વિધાનસભામાં છેલ્લા 5 વર્ષ દરમિયાન 9 સત્રોમાં યોજાયેલ ચર્ચામાં ધારાસભ્યોની ભાગીદારીનો રિપોર્ટ સામે આવ્યો છે.
ADR રિપોર્ટમાં 1350 કરોડ રૂપિયા ઉપલબ્ધ હતા પણ કામો માત્ર 33 ટકા કામો મંજુર થયા અને 677.5 કરોડ ખર્ચ થયા.
5 વર્ષ દરમિયાન 9 સત્રોમાં યોજાયેલ ચર્ચામાં ધારાસભ્યોની ભાગીદારીનો રિપોર્ટ
વિધાનસભામાં છેલ્લા 5 વર્ષ દરમિયાન 9 સત્રોમાં યોજાયેલ ચર્ચામાં ધારાસભ્યોની ભાગીદારીનો રિપોર્ટ સામે આવ્યો છે. જેમાં 95 ટકા ધારાસભ્યો 50થી ઓછી વખત માટે ચર્ચામાં ભાગ લીધો હતો. તેમાંથી 36 ટકા જેટલા ધારાસભ્યોની ભાગીદારી 10થી ઓછી વખત ચર્ચમાં સહભાગી થયા.
ગુજરાત વિધાનસભામાં પ્રશ્નો મુદ્દે પણ ADRમાં ખુલાસો
ADRના રિપોર્ટમાં કેટલાક સભ્ય વિધાનાસભામાં મૌન જ જોવા મળ્યા છે. માંડવીના ધારાસભ્ય વિરેન્દ્રસિંહ જાડેજા માત્ર એક દિવસ જ બોલ્યા હતા. પુરષોતમ સોલંકી, મોહન પિરજાદા, મધુ શ્રીવાસ્તવ વિધાનસભામાં બે વાર બોલ્યા હતા.
