અમદાવાદ / દવા કે ફુડના સેમ્પલનો ટેસ્ટ હવે અમદાવાદની આ કોલેજમાં પણ થઈ શકશે

• ફૂડ અને ડ્રગ ટેસ્ટીંગ પબ્લિક લેબ જીટીયુ સ્કૂલ ઑફ ફાર્મસી અંતર્ગત કાર્યરત થશે
• ઇન્ટરનેશનલ રિલેશન્સ વિભાગના ડાયરેક્ટર ની જગ્યાઓનું નિર્માણ કરવાની દરખાસ્ત રાજ્ય સરકારને મોકલી આપવામાં આવશે

ફૂડ અને ડ્રગ ટેસ્ટીંગ પબ્લિક લેબ જીટીયુ સ્કૂલ ઑફ ફાર્મસી અંતર્ગત કાર્યરત થશે. બીજી બાજુ કૉમ્પ્યુટીંગ લેબ જીટીયુ સ્કૂલ ઑફ એન્જીનિયરીંગ હેઠળ કાર્યાન્વિત થશે. આ બંને લેબનો લાભ વિદ્યાર્થીઓ, પ્રાધ્યાપકો અને સંશોધનકારો ઉપરાંત ઉદ્યોગજગત અને જાહેર જનતાને પણ પ્રાપ્ત થશે. આ ટેસ્ટ ગાંધીનગરમાં કરી આપવામાં આવશે. 

જીટીયુના વાઈસ ચાન્સેલર પ્રો.(ડૉ) નવીન શેઠના માર્ગદર્શન હેઠળ યોજવામાં આવેલી બેઠકમાં એવો નિર્ણય પણ લેવામાં આવ્યો હતો કે ખેલકૂદ વિભાગના ડાયરેક્ટર તેમજ ઇન્ટરનેશનલ રિલેશન્સ વિભાગના ડાયરેક્ટર ની જગ્યાઓનું નિર્માણ કરવાની દરખાસ્ત રાજ્ય સરકારને મોકલી આપવામાં આવશે. તે ઉપરાંત વિવિધ કોર્સ માટે સાત આસિસ્ટન્ટ પ્રોફેસરોની નિમણૂક ની મંજૂરી પણ આપવામાં આવી હતી. 

કુલ 60,991 પદવી એનાયત કરવાની મંજૂરી પણ આજની ગવર્નન્સની બેઠકમાં આપવામાં આવી 

જીટીયુના પ્લાનિંગ અને મોનીટરીંગ બોર્ડમાં જીટીયુના બે પ્રોફેસરો ડોક્ટર પંકજરાય પટેલ અને ડોક્ટર સંજય કુમાર ચૌહાણની નિમણૂકને પણ મંજૂરી આપવામાં આવી હતી. એકેડેમિક કાઉન્સિલની બેઠકમાં ચર્ચાયેલા મુદ્દાઓને પણ લીલીઝંડી આપવામાં આવી હતી. જીટીયુના નવમા પદવીદાન સમારોહમાં ડિગ્રી કોર્સના 44,527 વિદ્યાર્થીઓને તથા ડિપ્લોમા કોર્સના 16,464 વિદ્યાર્થીઓ સહિત કુલ 60,991 પદવી એનાયત કરવાની મંજૂરી પણ આજની ગવર્નન્સની બેઠકમાં આપવામાં આવી હતી.