Business / ખેડૂતના દીકરાનો કમાલ.! લાખોની નોકરી છોડી શરૂ કર્યો શેર લે-વેચનો ધંધો, જ્વલંત સિદ્ધિ બાદ હવે Zerodha પણ ભરે પાણી

• ભારત સ્ટાર્ટઅપના મામલે ત્રીજા સ્થાન પર
• ખેડૂતપુત્રે કરી સ્ટાર્ટઅપની શરૂઆત
• ભારતની સૌથી મોટી કંપનીને પાછળ છોડી દીધી

ભારત સ્ટાર્ટઅપના મામલે ત્રીજા સ્થાન પર છે અને ભારતમાં ઝડપથી સ્ટાર્ટઅપનો વ્યાપ વધી રહ્યો છે. અહીંયા ફિનટેક સ્ટાર્ટઅપની વાત કરવામાં આવી રહી છે. મધ્યપ્રદેશમાં ખેડૂતના પુત્રએ આ સ્ટાર્ટઅપની શરાત કરી છે, જે આજે સફળતાના શિખર પર પહોંચી ગયો છે. આ સ્ટાર્ટઅપને સફળ બનાવવા માટે અનેક મુશ્કેલીઓનો સામનો કરવો પડ્યો છે. આ સ્ટાર્ટઅપ ગ્રો (Groww)એ બ્રોકિંગ ફર્મ જેરોધાને પણ પાછળ છોડી દીધી છે. 

જેરોધાને પછાડી Groww આગળ વધ્યું
બેંગલરુ બેઝ્ડ ફિનટેક સ્ટાર્ટઅપ Growwના એક્ટિવ રોકાણકારની સંખ્યા દેશની સૌથી મોટી બ્રોકિંગ ફર્મ જેરોધા કરતા પણ વધુ થઈ ગઈ છે. જે બારતની ટોપ બ્રોકરેજ કંપની બની ગઈ છે. વર્ષ 2022-23ના અંતમાં Groww પાસે 53.7 લાખ ગ્રાહક હતા. વર્ષ 2023-24ના સપ્ટેમ્બરના અંતમાં આ રોકાણકારની સંખ્યા વદીને 66.3 લાખ થઈ ગઈ છે. નફાના ધાર જેરોધા ભારતની સૌથી મોટી બ્રોકિંગ ફર્મ છે

દર વર્ષે યૂઝર્સની સંખ્યામાં વધારો
Growwના એક્ટિવ રોકાણકારની સંખ્યામાં સતત વધારો થઈ શકે છે. NSE આંકડા અનુસાર નાણાંકી વર્ષ 2021માં Growwના એક્ટિવ રોકાણકારની સંખ્યા 7.8 લાખ હતી. નાણાંકીય વર્ષ 2022માં આ રોકાણકારની સંખ્યા વધીને 38.5 લાખ થઈ ગઈ હતી. સપ્ટેમ્બર 2023 સુધીમાં જેરોધાના 64.8 લાખ યૂઝર્સ હતા.  Growwએ જેરોધાને પણ પાછળ છોડી દીધી છે અને Growwના એક્ટિવ રોકાણકારની સંખ્યા 66.3 લાખના સ્તરને પાર પહોંચી ગઈ છે. 

બ્રોકિંગ ફર્મ Groww કઈ સર્વિસ પ્રદાન કરે છે
બ્રોકિંગ ફર્મ Groww યૂઝર્સ માટે સ્ટોર, મ્યુચ્યુઅલ ફંડ, એક્સચેન્જ ટ્રેડેડ ફંડ, IPO, અમેરિકી સ્ટોક, ફ્યૂચર્સ એન્ડ ઓપ્શંસ, ફિક્સ્ડ ડિપોઝીટ અને સોનામાં રોકાણ માટે સરળ પ્લેટફોર્મ પ્રદાન કરે છે. આ કંપનીમાં માઈક્રોસોફ્ટના CEO સત્યા નાડેલા, સિકોઈયા કેપિટલ અને ટાઈગર ગ્લોબલ જેવા નિષ્ણાંતોએ રોકાણ કરેલ છે. 

ખેડૂતપુત્રનો આઈડિયા
મધ્યપ્રદેશમાં લેપા ગામના એક ખેડૂતના દીકરા લલિત કેશરેએ તેના મિત્રો સાથે મળીને આ સ્ટાર્ટઅપ શરૂ કર્યું હતું. ધોરણ 12 સુધી અભ્યાસ કર્યા પછી લલિત કેશરેએ IIT પાસ કર્યું, ત્યારપછી ઈ-કોમર્સ પ્લેટફોર્મમાં નોકરી કરી. પ્રોજેક્ટ મેનેજર તરીકે કામ કર્યું, ત્યારપછી સ્ટાર્ટઅપ શરૂ કરવાનો વિચાર આવ્યો અને Growwની શરૂઆત થઈ. 

નોકરી છોડીને વર્ષ 2016માં Groww શરૂ કર્યું
લલિત કેશરેએ વર્ષ 2016માં ફ્લિપકાર્ટમાં તેના ત્રણ એક્ઝિક્યુટિવ સાથીઓ હર્ષ જૈન, ઈશાન બંસલ અને નીકજડ સિંહ સાથે નોકરી છોડી દીધી, ત્યારપછી સ્ટાર્ટઅપની શરૂઆત કરી હતી. શરૂઆતના સ્તરે આ કંપનીએ અનેક મુશ્કેલીઓનો સામનો કરવો પડ્યો હતો, આ કંપની સામે જેરોધા જેવી કંપની હરિફાઈમાં હતી. છેલ્લા કેટલાક વર્ષોમાં Groww ઝડપથી આગળ વધી અને જેરોધાને પણ પાછળ છોડી દીધી છે.