ટેક્નોલોજી / હવે વગર પાસવર્ડે ગૂગલ એકાઉન્ટ થઇ જશે Log in, Google લાવી રહ્યું છે જોરદાર ફીચર્સ, જાણો શું

• ગૂગલ એકાઉન્ટ લોગિન કરવા માટે પાસવર્ડની જરૂર નહીં રહે
• ગૂગલે પાસવર્ડ ફ્રી બનાવવાની જાહેરાત કરી
• આ ફીચર બાબતે યૂઝર્સ તરફથી પોઝિટીવ રિસ્પોન્સ મળ્યો

ગૂગલે જાહેરાત કરી છે કે, તે દુનિયાને પાસવર્ડ ફ્રી બનાવવા જઈ રહી છે. ગૂગલ બ્લોગ પોસ્ટ અનુસાર ગૂગલ એકાઉન્ટ લોગિન કરવા માટે અલગ અલગ પાસવર્ડની જરૂર નહીં રહે. ગૂગલે મંગળવારે બ્લોગ પોસ્ટમાં જણાવ્યું છે કે, પર્સનલ ગૂગલ એકાઉન્ટ માટે ડિફોલ્ટ ઓપ્શનના ભાગરૂપે પાસકીઝ બનાવી રહ્યું છે. આ પાસકીઝ બાબતે યૂઝર્સ તરફથી પોઝિટીવ રિસ્પોન્સ મળી રહ્યો છે. 

હેકિંગનું જોખમ ઓછું થઈ જશે
મે મહિનામાં ગૂગલ તરફથી પાસકીઝની શરૂઆત કરવામાં આવી હતી. આ પાસવર્ડ સિસ્ટમ એક ઝડપી અને સુરક્ષિત વિકલ્પ છે. જેમાં યૂઝર્સે પાસવર્ડ યાદ રાખવાની જરૂર રહેતી નથી. નોર્મલ પાસવર્ડની સરખામણીએ પાસકીઝ ખૂબ જ સુરક્ષિત હોય છે. જેમાં પાસવર્ડ ચોરી થવાનું જોખમ રહેતુ નથી. લોગિન ક્રેડેન્શિયલ શેર ના કરી શકાય, જેથી હેકિંગની સંભાવના રહેતી નથી. 

પાસકીઝ શું હોય છે?
પાસકીઝ ફેશિયલ રિકગ્નિશન, ફિંગરપ્રિંટ સ્કેન અથવા પિનથી રન થાય છે. જેથી ફિશિંગ અટેકને રોકવામાં પાસકીઝ ખૂબ જ મહત્ત્વપૂર્ણ ભૂમિકા ભજવે છે. જો તમારું ડિવાઈસ ગુમ થઈ જાય તો લોગિન કરવા માટે બાયોમેટ્રિક ઈન્ફોર્મેશન અથવા પિનની જરૂર હોય છે. આજના સમયમાં અનેક એપ્લિકેશન અને એકાઉન્ટ છે. જેની સાથે બેન્કિંગ તથા અન્ય પર્સનલ એકાઉન્ટ છે, જેના પાસવર્ડ અલગ અલગ હોય છે. આ તમામ પાસવર્ડ યાદ રાખી શકાતા નથી. જેથી પાસકીઝ એક શાનદાર ઓપ્શન સાબિત થઈ શકે છે. 

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતીને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી છે.