તમારા કામનું / જેમ્સ બોન્ડ! Google Mapના કારણે ચોરી થયેલો ફોન પરત મળ્યો, કેવી રીતે? તાત્કાલિક તમે પણ બદલી નાખો આ સેટિંગ

• ગૂગલ મેપની મદદથી ચોરી થઈ ગયેલો ફોન પાછો મળી ગયો
• આ ગૂગલ મેપનાં સેટિંગને કારણે થયું છે
• આ રીતે તમે Google મેપ પર લોકેશન શેર કરી શકો છો

શું તમને લાગે છે કે ગૂગલ મેપથી ખોવાય ગયેલો ફોન પાછો મળી શકે છે. આવી જ એક ઘટના તમિલનાડુમાં સામે આવી છે. જેમાં એક રાજ ભગત પી નામના વ્યક્તિએ દાવો કર્યો છે કે તેમના પિતા ટ્રેનથી મુસાફરી કરી રહ્યા હતા, ત્યાં આગળ તેમનો ફોન ચોરી થઈ ગયો હતો. હાલ ગૂગલ મેપની મદદથી ચોરી થઈ ગયેલો ફોન પાછો મળી ગયો છે.  

સેટિંગમાં બદલાવ કરવા પડશે 
આ ગૂગલ મેપનાં સેટિંગને કારણે થયું છે. જો તમારા ફોનમાં એક સેટિંગને ઈનેબલ કરવામાં આવે તો તમને ખબર પડી જશે કે તમારા ફોનની લોકેશન શું છે. આવામાં કોઈ તમારો ફોન ચોરી કરે તો તમે ચોરને પકડી શકો છો. ગૂગલ મેપની મદદથી ચોરી થયેલી ચોક્કસ જગ્યાની માહિતી મેળવી શકાય છે. 

વાંચવા જેવું: ટ્રાવેલિંગ દરમ્યાન જો-જો ક્યાંક સ્માર્ટફોન ન ખોવાઇ જાય! કામમાં આવશે આ 5 ટિપ્સ

ગૂગલ મેપ પર લોકેશન શેરિંગ ફીચર કેવું રીતે ઈનેબલ કરવું 

• સૌપ્રથમ ગૂગલ મેપ ખોલો. હવે તમારી પ્રોફાઇલ આઇકન પર જાઓ. 
• ત્યારબાદ તેમા ઉપલબ્ધ વિકલ્પો ખોલવા તેને ટેપ કરો. 
• હવે લોકેશન શેરિંગ પર ટેપ કરો. 
• તમને કેટલાક લોકો સાથે લોકેશન શેર કરવાના વિકલ્પો આપેલા હશે. 
• હવે વપરાશકર્તા ધારે એટલા સમય માટે લોકેશન શેર કરી શકે છે. 
• ત્યારબાદ Share પર ટેપ કરવું પડશે. 
• આ રીતે તમે Google મેપ પર લોકેશન શેર કરી શકો છો.