કોમોડિટી / સોનાની કિંમતમાં જોરદાર કડાકો, 5117 રૂપિયામાં સરકાર આપી રહી છે ગોલ્ડ ખરીદવાની સોનેરી તક

• સાતમી ઓગસ્ટે સોનું 56,000 રૂપિયા પ્રતિ દસ ગ્રામના ઉચ્ચતમ સ્તર પર હતું સોનું 
• સોનાના વાયદા ભાવ એક ટકાનો વધારો 
• RBI દ્વારા ગોલ્ડ બોન્ડના નવા ભાવ  5,117 પ્રતિ ગ્રામ 

શુક્રવારે વૈશ્વિક બજારના આધારે ઘરેલું બજારમાં સોના ચાંદીની કિંમતમાં તેજી જોવા મળી હતી. મલ્ટી કોમોડિટી એક્સચેન્જ પર ઓક્ટોબર માટે સોનાના વાયદા ભાવ એક ટકા વધારીને 51,399 પ્રતિ દસ ગ્રામ રહ્યો. જ્યારે ચાંદીની કિંમતોમાં પણ 1.5 ટકાનો વધારો જોવા મળ્યો. ગુરુવાર અને શુક્રવારે ભારતમાં સોના ચાંદીના ભાવમાં વધઘટ જોવા મળી છે. પરંતુ સાતમી ઓગસ્ટે સોનું 56,000 રૂપિયા પ્રતિ દસ ગ્રામના સ્તર પર રહ્યો અને તે મુકાબલે આ ભાવ હજુ પાંચ હજાર ઓછા છે. 

ભારતની વાત કરીએ તો સરકાર હવે સસ્તામાં સોનામાં રોકાણ કરવા માટે વધુ એક મોકો આપી રહી છે. ચાલુ નાણાંકીય વર્ષમાં સોવરેન ગોલ્ડ બોન્ડના છઠ્ઠા ટ્રાન્ચ માટે સોમવારે સબસ્ક્રિપ્શન ખોલી દેવામાં આવશે. આ ગોલ્ડ બોન્ડ ભારતીય રિઝર્વ બેંક કેન્દ્ર સરકાર તરફથી જાહેર કરશે. અ વખતે RBI દ્વારા ગોલ્ડ બોન્ડના નવા ભાવ  5,117 પ્રતિ ગ્રામ નક્કી કરવામાં આવ્યો છે. આ સબસ્ક્રિપ્શન ચોથી સપ્ટેમ્બરે બંધ થઇ જશે. 

શુક્રવારે વૈશ્વિક બજારોમાં સોનાના ભાવમાં 2 ટકાનો વધારો જોવા મળ્યો. ડોલરમાં નબળાઈના કારણે સોનાને બળ મળી રહ્યું છે. અમેરિકામાં સોનાના વાયદા ભાવ આશરે 2 ટકા વધીને 1,974 ડોલર પ્રતિ આઉન્સ થયા છે. ગુરુવારે અમેરિકાની કેન્દ્રીય બેંકના બેંકના જેરોમ પાવેલ દ્વારા નવી નીતિને લઈને આપવામાં આવેલ ભાષણ બાદ સોનાના ભાવ 2 ટકા સુધી ઘટી ગયા હતા.  તેમણે કહ્યું હતું કે કેન્દ્રીય બેંક સરેરાશ મોંઘવારી દરને લક્ષ્ય બનાવશે. જેનો અર્થ કે જો આવનારા દિવસોમાં અમેરિકામાં મોંઘવારી વધે છે તો પણ વ્યાજ ડર ઓછી જ રાખવામાં આવશે. 

નોંધનીય છે કે સામાન્યપણે માનવામાં આવે છે કે ઓછા વ્યાજદરના કારણે સોનાને સપોર્ટ મળે છે. કોઈ પણ દેશની કરન્સી કમજોર થવા અને મોંઘવારી વધવાના કારણે રોકાણકારો માટે સોનું ફાયદેમંદ સાબિત થાય છે.