શરમજનક ઘટના / આ ગામમાં બાળકીઓને નિર્વસ્ત્ર કરીને ફેરવવામાં આવી, કારણ જાણીને તમારા પગ નીચેથી જમીન સરકી જશે

• બાળકીઓને નિર્વસ્ત્ર કરીને ગામમાં ફેરવવામાં આવી 
• વરસાદ પાડવા અંધશ્રદ્ધામાં બાળકી સાથે શર્મજનક કૃત્ય 
• ઘટનાને લઈને રાષ્ટ્રીય બાલ અધિકાર સંરક્ષણ એકશન મોડમાં 

મધ્યપ્રદેશના દમોહ જિલ્લાનો આ બનાવ સાંભળીને તમારા પગ નીચેથી પણ જમીન સરકી જશે. અહીયા એક ગામમાં વરસાદ નહોતો પડતો. જેના કારણે અંધવિશ્વાસમા આવીને અહીયાના લોકોએ ગામની નાની બાળકીઓને નિવસ્ત્ર કરીને ગામમાં ફેરવી હતી. સમગ્ર મામલે રાષ્ટ્રીય બાલ અધિકાર સંરક્ષણ એકશન મોડમાં આવી ગયું થે અને જિલ્લા અધિકારી સાથે ઘટનાની રિપોર્ટ માંગી છે. 

દમોહ જિલ્લાના બનિયા ગામનો બનાવ 

સ્થાનિક પ્રસાશનનું કહેવું છે કે એક કુપ્રથાને કારણે 6 થી 7 બાળકીને ગામમાં નિવસ્ત્ર કરીને ફેરવવામાં આવી હતી. દમોહ જિલ્લામાં આવેલ બનિયા ગામમાં આ બનાવ સામે આવ્યો છે. સમગ્ર મામલો ગરમાતા પોલીસ ઘટનાની ગંભીરતાને ધ્યાનમાં રાખીને કાયદેસરની કાર્યવાહી કરી રહી છે. 

જવાબદારો સામે થશે કાર્યવાહી 

પોલીસનું કહેવું છે કે સ્થાનિકોએ અંધશ્રદ્ધામાં આવીને બાળકીઓને નિવસ્ત્ર કરીને ફેરવી છે. ગામમાં વરસાદ નહોતો પડતો જેથી તેમણે આ કૃત્યુ કર્યું. સમગ્ર મામલે પોલીસે કહ્યું તેઓ તપાસ કરી રહ્યા છે. સાથેજ તેમણે કહ્યુ કે સમગ્ર મામલે તેઓ તપાસ કરી રહ્યા છે અને જવાબદારો સામે કાર્યવાહી પણ કરશે 

વરસાદ પાડવા બાળકીઓને નિવસ્ત્ર કરી 

ગામમાં એવી જુની માન્યતા છે કે જ્યારે વરસાદ ન પડે ત્યારે બાળકીઓને નિવસ્ત્ર કરીને તેમના પર મૂસળ મુકવામાં આવે છે અને તે મૂસળ દેડકા પર બાંધવામાં આવે છે. બાળકીઓને નિવસ્ત્ર કરીને ગામની મહિલાઓ તેમની પાછળ ભજન કરતી કરતી ચાલે છે. સાથેજ રસ્તામાં જે પણ ઘર આવે ત્યા મહિલાઓ લોટ અને દાળ માગે છે. 

ગ્રામજનોને જાગૃત કરવાની જરૂર : જિલ્લા કલેક્ટર 

ઉલ્લેખનીય છે કે સમગ્ર મામલે એવી માહિતી સામે આવી છે કે બાળકીઓના માતા પિતા પણ આ કૃત્યમાં શામેલ હતા. જોકે આ મામલે ગામના એક પણ સભ્યએ પોલીસમાં ફરિયાદ નથી નોંધાવી. જિલ્લા કલેક્ટરે આ મામલે કહ્યું કે આપણે માત્ર ગ્રામજનોને અંધવિશ્વાસથી જાગૃત કરી શકીએ. તેમને સમજાવવું જોઈએ કે આ પ્રથાઓથી કશું હાંસલ નથી થતું.