- નવા વર્ષના જશ્નની વચ્ચે દિલ્હીમાં 5 છોકરાઓનું ખૌફનાક કામ
- કારનો એક્સિડન્ટ થયો છોકરીને
- છોકરાઓએ 8 કિમી ઘસડતા લઈ ગયા છોકરીને
- દર્દનાક મોત, લાશ પાછળના ટાયરમાં ફસાઈને ઘસડતી રહી
દિલ્હીના કણઝાવાલા પોલીસ સ્ટેશન વિસ્તારમાં એક ચોંકાવનારી ઘટના સામે આવી છે. પોલીસે આ વિસ્તારમાં એક છોકરીની નગ્ન અવસ્થામાં લાશ મળી આવી છે. મળતી માહિતી પ્રમાણે બાલેનો કારમાં સવાર 5 છોકરાઓએ એક સ્કૂટી સવાર છોકરીને ટક્કર મારી હતી જેને કારણે છોકરીનું દર્દનાક મોત થયું હતું. અકસ્માત બાદ આરોપીઓએ કાર ન રોકી અને કાર હાંકવાનું ચાલું રાખ્યું આ દરમિયાન મૃતક છોકરીની લાશ કારના પાછળના ટાયર સાથે ભરાઈને ઘસડતી રહી હતી. લગભગ 8 કિમી સુધી આ રીતે છોકરીની લાશ ઘસડાતી રહી હતી અને મરેલી છોકરીના કપડાંના પણ લીરેલીરા ઉડી જતા તે નગ્ન થઈ ગઈ હતી.
રસ્તા પરથી નગ્ન છોકરીની લાશ મળી
બાદમાં યુવતીની નગ્ન લાશ રસ્તા વચ્ચેથી ખરાબ હાલતમાં મળી આવી હતી. તેણીને હોસ્પિટલમાં લઈ જવામાં આવી હતી પરંતુ યુવતીનું ઘણા સમય પહેલા જ મોત નીપજ્યું હતું.
ખબર નહોતી છોકરીની ડેડબોડી કારમાં ફસાયેલી છે- આરોપીઓનો જવાબ
પોલીસે પાંચેય છોકરાઓ સામે હત્યાનો ગુનો નોંધીને તેમની ધરપકડ કરી છે. આરોપીઓનું કહેવું છે કે તેમને ખબર નહોતી કે યુવતીની ડેડબોડી કારમાં ફસાયેલી છે. જોકે પોલીસ સૂત્રોનું કહેવું છે કે, આરોપીઓને ચોક્કસથી ખબર પડી હતી કે યુવતીની લાશ કારમાં ફસાયેલી છે. છોકરાઓએ સ્કૂટી સવાર છોકરીને ટક્કર મારી હોવાથી તેઓ ભાગવાનો પ્રયાસ કરી રહ્યા હતા. પોલીસ છોકરી પર બળાત્કારના એંગલની પણ તપાસ કરી રહી છે.
દારૂ પીધો હતો કે કેમ તે અંગે પણ પોલીસ તપાસ
આ યુવકોએ ઘટના સમયે દારૂ પીધો હતો કે કેમ તે અંગે પણ પોલીસ તપાસ કરી રહી છે. પોલીસે એક નિવેદનમાં જણાવ્યું હતું કે, સુલતાનપુરી વિસ્તારમાં વહેલી સવારે એક સ્કૂટી સવાર છોકરીને કારે ટક્કર મારી હતી જે પછી તેનું મોત થયું હતું અને લાશ અનેક કિલોમીટર સુધી કારની સાથે ઘસડતી રહી હતી. દિલ્હી મહિલા આયોગ (ડીસીડબ્લ્યુ)ના અધ્યક્ષ સ્વાતિ માલીવાલે દિલ્હી પોલીસને નોટિસ ફટકારીને જવાબ માંગ્યો છે.
