આસ્થા / ભૂત જોવા માગતા હોય તો રાતે આટલું કરજો, શખ્સની રિલ્સ વાયરલ, વૈજ્ઞાનિક પ્રયોગમાં ઘટસ્ફોટ

અરીસમાં ભૂત દેખાયાના ઘણા દાવાઓ થઈ ચૂક્યાં છે. ફિલ્મોમાં આપણને ઘણી વાર બતાવવામાં આવે છે કે ભૂત હંમેશા અરીસામાં પોતાના સાચા સ્વરૂપમાં દેખાય છે. ફિલ્મ હોલિવૂડ હોય કે બોલિવૂડ, ભૂતનો અસલી ચહેરો બતાવવાનો હોય તો તેને અરીસામાં દેખાડવામાં આવે છે. પરંતુ આવું કેમ થાય છે? આની પાછળ શું તર્ક છે? ચાલો આ રહસ્ય ખોલીએ. 

સોશિયલ મીડિયામાં વાયરલ થઈ રિલ્સ 
આજકાલ સોશિયલ મીડિયા પર એક રીલ ખૂબ વાયરલ થઇ રહી છે. તેમાં એક વ્યક્તિ એવું કહેતો જોવા મળે છે કે ભૂત જોવું હોય તો અડધી રાત્રે તમારા ઘરમાં અરીસાની સામે ઊભા રહીને તેને જોતી વખતે ત્રણ વાર બ્લડી મેરી બોલો. આમ કરવાથી અચાનક જ બ્લડી મેરી નામની ડાકણ અરીસામાં આવી જશે અને તમારો ચહેરો આંચકી લેશે. આ રીલ વિદેશ સહિત ભારતમાં પણ વાયરલ થઇ રહી છે.

અરીસામાં ભૂત કેમ દેખાય છે?
2010માં ઈટાલિયન સાઇકોલોજિસ્ટ જીઓવાન્ની કેપુટોએ એક પ્રયોગ કર્યો હતો. તેમણે કેટલાક લોકોને ઓછા પ્રકાશવાળી રુમમાં જઈને 10 મિનિટ સુધી અરીસામાં જોવાનું કહ્યું. જ્યારે બધાએ આ કર્યું ત્યાર બાદ તેમને જે દેખાયું તે કહ્યું. 66 ટકા લોકોએ પોતાનો ચહેરો એકદમ અલગ જોયો હતો. આ સાથે જ 40 ટકા લોકોએ અરીસામાં પોતાના 
પોતાના મૃત માતા-પિતા,  પ્રાણીઓ, વિચિત્ર આકાર અને ચહેરા જોયા હતા. 

શું બોલ્યાં વૈજ્ઞાનિક 
માનસશાસ્ત્રી જીઓવાન્ની કેપુટોએ કહ્યું કે મનુષ્ય હંમેશાં વસ્તુઓમાં ચહેરાઓ જોતો રહ્યો છે. ક્યારેક વાદળોમાં તો ક્યારેક શાકમાં તો ક્યારેક ટોસ્ટના ટુકડામાં. આવી સ્થિતિમાં, જ્યારે કોઈ વ્યક્તિ કોઈના વિશે વિચારતો હોય ત્યારે રાત્રે ઝાંખા પ્રકાશમાં, તે અરીસા તરફ જુએ છે, ત્યારે તેને તેમાં તે જ છબી દેખાય છે જે તેણે તેના મનમાં બનાવી છે.