ગરુડ પુરાણ / મૃત્યુ બાદ ભૂલથી પણ આ ચીજોને ઉપયોગમાં ન લેતા, નહીં તો તમે પણ બની જશો પાપના ભાગીદાર

• મૃત્યુ પછી મૃત વ્યક્તિના ઘરેણાંનો ઉપયોગ ન કરવો જોઈએ
• ભૂલથી ના કરો મૃત વ્યક્તિના કપડાનો ઉપયોગ
• વ્યક્તિના મૃત્યુ પછી, તેની સાથે સંબંધિત વસ્તુઓનું દાન કરવું જોઈએ

Garuda Purana Ka Niyam:ઘણીવાર લોકો મૃત વ્યક્તિની વસ્તુઓને સ્મૃતિ તરીકે રાખે છે. જો કે ગરુડ પુરાણમાં તેની સાથે જોડાયેલી ઘણી બાબતો કહેવામાં આવી છે. ગરુડ પુરાણમાં મૃત્યુ વિશે ઘણું કહેવામાં આવ્યું છે. તેવી જ રીતે ગરુડ પુરાણમાં મૃત વ્યક્તિની ત્રણ વસ્તુઓ કહેવામાં આવી છે, જેનો ઉપયોગ ભૂલથી પણ ન કરવો જોઈએ. આમ કરવાથી તમારે જીવનમાં ઘણી સમસ્યાઓનો સામનો કરવો પડી શકે છે. તો આવો તે વસ્તુઓ વિશે જાણીએ....

મૃત વ્યક્તિથી જોડાયેલી આ વસ્તુઓનો ઉપયોગ ના કરો
1. મૃત વ્યક્તિના ઘરેણાં
ઘરેણાંએ સૌથી કિંમતી વસ્તુઓમાંથી એક છે, આવી સ્થિતિમાં દરેકને તેમના ઘરેણાં ખૂબ જ પસંદ આવે છે. વ્યક્તિએ કોઇના મૃત્યુ પછી મૃત વ્યક્તિના ઘરેણાંનો ઉપયોગ ન કરવો જોઈએ. માનવામાં આવે છે કે ઘરેણાં મૃત વ્યક્તિની આત્માને આકર્ષે છે. જેના કારણે ખરાબ પરિણામોનો સામનો કરવો પડી શકે છે.

2. ભૂલથી ના કરો મૃત વ્યક્તિના કપડાનો ઉપયોગ
માનવામાં આવે છે કે, જે લોકોને કોઈની સાથે ખૂબ લગાવ હોય છે, તેઓ મૃત્યુ પછી તેનો સામાન પોતાની પાસે રાખે છે. ઘણા લોકો મૃત વ્યક્તિના કપડાનો ઉપયોગ કરવાનું શરૂ કરે છે, જો કે આ કરવું ખોટું છે. આમ કરવાથી આત્માને મોક્ષ મેળવવામાં તકલીફ પડે છે.

3. ઘડિયાળનો ઉપયોગ ના કરો
મૃત વ્યક્તિની ઘડિયાળ ન પહેરવી જોઈએ. ઘડિયાળમાં મૃત વ્યક્તિ સાથે સકારાત્મક અને નકારાત્મક ઉર્જા જોડાયેલી હોય છે. આવી સ્થિતિમાં તેની અસર થવા લાગે છે. મૃત વ્યક્તિની ઘડિયાળ પહેરવાથી તેના વિશે સપના આવે છે.

શા માટે ના કરવુ જોઇએ આ વસ્તુઓનો ઉપયોગ
માનવામાં આવે છે કે, મૃત વ્યક્તિની વસ્તુઓનો ઉપયોગ કરવાથી મોક્ષ પ્રાપ્ત કરવામાં મુશ્કેલીઓ આવે છે. તેથી, કોઈ વ્યક્તિના મૃત્યુ પછી, તેની સાથે સંબંધિત વસ્તુઓનું દાન કરવું જોઈએ. વૈજ્ઞાનિક કારણોસર પણ આવું કરવાની મનાઈ છે. જો આપણે કોઈની વસ્તુઓનો ઉપયોગ કરીએ છીએ, તો આપણે તેના વિશે વિચારતા રહીએ છીએ જે માનસિક સ્વાસ્થ્ય માટે સારું નથી.