બોલિવુડ / 'ગલવાન ઘાટી'ના સંઘર્ષ પર બનશે ભારતીય ફિલ્મ, અપૂર્વ લખિયાએ કર્યું એલાન

• ગલવાન ઘાટી સંઘર્ષ પર બનશે ફિલ્મ.
• ડાયરેક્ટર અપૂર્વ લખિયા આ મુદ્દા પર ફિલ્મ બનાવશે. 
• મોટા પર રજૂ થશે ભારતીય સેના શૌર્યની ગાથા.

પૂર્વીય લદ્દાખ સીમા પર ભારત અને ચીન વચ્ચે હંમેશા તણાવની સ્થિતિ રહે છે. છેલ્લા 5 દાયકાથી ભારત અને ચીન વચ્ચે સીમા વિવાદ ચાલી રહ્યો છે. વર્ષ 2020માં ગલવાન સંઘર્ષમાં ભારતીય સેના અને ચીની સેના વચ્ચે અથડામણ થઈ હતી, જેના કારણે બંને દેશની રાજનીતિમાં ભૂકંપ આવી ગયો હતો. આ મુદ્દા પર ડાયરેક્ટર અપૂર્વ લખિયા ફિલ્મ બનાવવા જઈ રહ્યા છે. આ ફિલ્મમાં ભારતીય સેનાની બહાદુર અને શૌર્યની ગાથા રજૂ કરવામાં આવશે. 

ડાયરેક્ટર અપૂર્વ લખિયાએ અગાઉ ફિલ્મ ‘એક અજનબી’ અને ‘શૂટઆઉટ એટ લોખંડવાલા’ જેવી ફિલ્મોનું નિર્દેશન કર્યું છે. અપૂર્વ લખિયાએ મોટા પડદા પર ભારતીય સેનાના પરાક્રમની કહાની રજૂ કરવાની સંપૂર્ણ તૈયારી કરી દીધી છે. ટ્રેડ એનેલિસ્ટ તરણ આદર્શે આ ફિલ્મ અંગે ટ્વિટ કર્યું છે. 

ગલવાન ઘાટીમાં ચીન અને ભારતીય સેના વચ્ચે થયેલ અથડામણ બાબતે ‘ઈંડિયાઝ મોસ્ટ ફિઅરલેસ 3’ પુસ્તક લખવામાં આવ્યું છે. આ પુસ્તક પરથી ફિલ્મનું નિર્દેશન કરવામાં આવશે. આ પુસ્તકમાં વર્ષ 2020માં ગલવાન ઘાટીમાં થયેલ હિંસા બાબતે લખવામાં આવ્યું છે. પત્રકાર શિવ અરૂર અને રાહુલ સિંહે આ પુસ્તક લખ્યું છે. 

GALWAN EPISODE: APOORVA LAKHIA TO ADAPT ON BIG SCREEN… #ApoorvaLakhia - director of #EkAjnabee and #ShootoutAtLokhandwala - is all set to bring forth a brave story of the #IndianArmy on the big screen.

The director has acquired the rights of a chapter from the book - titled… pic.twitter.com/lrRc8CX4Jd

— taran adarsh (@taran_adarsh) April 25, 2023

સુરેશ નાયર અને ચિંતન ગાંધી આ ફિલ્મની સ્ટોરી અને સ્ક્રીન પ્લે લખશે. આ ફિલ્મના ડાયલોગની જવાબદારી ચિંતન શાહને આપવામાં આવી છે. ફિલ્મ સ્ટારકાસ્ટ અને લીડ રોલ બાબતે કોઈપણ વ્યક્તિનું નામ જણાવવામાં આવ્યું નથી. 

અગાઉ અજય દેવગણે પણ ગલવાન ઘાટી સંઘર્ષ પર ફિલ્મ બનાવવા બાબતે નિવેદન આપ્યું હતું. અગાઉ ઈન્ડિયન સર્જિકલ સ્ટ્રાઈક પર અનેક ફિલ્મો બનાવવામાં આવી છે. મોટા પડદા પર અનેક વાર ભારત અને પાકિસ્તાના યુદ્ધની કહાની દર્શાવવામાં આવી છે.