સ્વતંત્રતા દિવસ / લાલ કિલ્લાથી PM મોદીએ તિર્થધામ મહુડીનો કર્યો ઉલ્લેખ, કહ્યું ગુજરાતના સંતે કરી હતી આવી ભવિષ્યવાણી

Vishal

Last Updated: 11:42 AM, 15 August 2019

FOLLOW ON

શેર કરો

પ્રધાનમંત્રી નરેન્દ્ર મોદીએ દેશને 73મા સ્વતંત્રતા દિવસ પર છઠ્ઠી વખત લાલ કિલ્લા પરથી તિરંગો લહેરાવ્યો છે. આ અવસરે પ્રધાનમંત્રીએ પાણીની સમસ્યાને લઈને 100 પૂર્વેની ભવિષ્યવાણી યાદ કરી તિર્થધામ મહુડીનો ઉલ્લેખ કર્યો હતો.

વડાપ્રધાન નરેન્દ્ર મોદીએ લાલ કિલ્લા પરથી પોતાના ભાષણ દરમિયાન પીવાના પાણીની સુરક્ષા માટે જળ જીવન મિશનની નવી યોજના અંગે જણાવ્યું હતું. જેમાં તેમણે પાણીની સમસ્યાને લઈને 100 પૂર્વેની ભવિષ્યવાણી યાદ કરી તિર્થધામ મહુડીનો ઉલ્લેખ કરતાં જણાવ્યું કે, બુદ્ધીસાગર મુનિએ 100 વર્ષ પહેલા ભવિષ્યવાણી કરી હતી. મહુડીના સંત બુદ્ધીસાગર મુનિએ કહ્યું હતું કે એક દિવસ પાણી વેચાશે અને આજે આપણે દુકાનમાંથી પાણી ખરીદી રહ્યાં છીએ એટલે ખરેખર પાણી વેચાઇ રહ્યું છે.

જ્યારે પ્રધાનમંત્રીએ જળ જીવન મિશનની નવી યોજના અંગે વાત કરતાં જણાવ્યું કે, આજે દેશમાં અડધાથી વધારે ઘરોમાં પીવાનું સ્વચ્છ પાણી ઉપલબ્ધ નથી. તેમના જીવનનો મોટો ભાગ પાણી લાવવામાં વ્યથિત થઇ જાય છે. જેથી સરકાર આવનાર દિવસોમાં જળ જીવન મિશન પર આગળ વધશે. જેના માટે કેન્દ્ર અને રાજ્યની સરકાર સાથે મળીને કામ કર કરશે. સાડા ત્રણ લાખ કરોડથી વધારે આ મિશનમાં ખર્ચ કરવાનો સંકલ્પ કર્યો છે.

સંકળાયેલા મુદ્દાઓ

Independence Day 2019 Jal Jeevan Mission PM Narendra Modi Tirthadham mahudi Independence Day 2019